دەليدە قازاقستاننىڭ ۇندىستانداعى ەلشىلىگىنىڭ قولداۋىمەن «Welcome to Kazakhstan. Country of Nomads» ينتەراكتيۆتىك تۋريستىك كورمەسى ءوتتى, دەپ حابارلادى ءسىم ءباسپاسوز قىزمەتى.
كورمەگە 150-دەن استام ادام قاتىستى, شارادا قازاقستانعا كەلۋگە قۇشتارلىق بىلدىرگەن جەرگىلىكتى تۋريستىك بيزنەس وكىلدەرى مەن سايكەس ۇيىمدار بولدى.
قازاقستاننىڭ ۇندىستانداعى ەلشىسى بولات سارسەنباەۆ ەكى ەل اراسىنداعى تۋريستىك ىنتىماقتاستىقتىڭ جوعارى دەڭگەيىن اتاپ ءوتتى. سوڭعى ستاتيستيكالىق مالىمەتتەرگە سايكەس, ۇندىستاننان شىعاتىن تۋريستىك اعىن وتكەن جىلمەن سالىستىرعاندا 35 پايىزعا كوبەيدى. ۇندىلىك تاراپتىڭ باسىم بولىگى استانا مەن الماتى قالالارىنا كەلۋدى قالايدى.
ديپلومات ەكسپو-2017 مامانداندىرىلعان حالىقارالىق كورمەسى كەلە جاتقان جىلدىڭ ەڭ باستى وقيعاسى بولىپ وتىر. كورمەنىڭ ءوزى ءۇندىستاننان تۋريستەردى تارتۋعا مۇمكىندىك بەرەدى.