ازىق-ت ۇلىك كورپوراتسياسى قاراشا-جەلتوقساندا بيداي مەن ارپانىڭ ساتىپ الۋ باعاسىن – 21% جانە 42%-عا, كۇنباعىس, زىعىر, راپستى ورتاشا العاندا 6%-عا قىمباتتاتتى, دەپ حابارلايدى كazakh-zerno.kz.
بيىلعى جىلعى قاراشانىڭ سوڭى – جەلتوقساننىڭ باسىندا بيداي مەن ارپا باعاسىنىڭ ارزانداۋىنا اكەپ سوعاتىن جايتتەر بولدى. ايتالىق, جىلدىڭ سوڭىنا دەيىن موينىنداعى بەرەشەگىن قايتارۋدى ويلاعان اۋىل شارۋاشىلىق وندىرۋشىلەر تاراپىنان بيدايدى ساتۋ جونىندە ۇسىنىستار كوپ بولدى.
باعانىڭ ارزانداپ كەتۋىن بولدىرماۋ, سونداي-اق ديقانداردى قولداۋ ماقساتىندا قاراشا ايىندا «ازىق-ت ۇلىك كورپوراتسياسى» اق ءوزىنىڭ ەنشىلەس «استىق قويمالارى» كومپانياسىنا تيەسىلى نان بازالارىندا بيداي مەن ارپانىڭ ساتىپ الۋ باعاسىن 21% جانە 42%-عا كوتەردى. جەلتوقساننىڭ باسىندا ازىق-ت ۇلىك كورپوراتسياسىمەن كەلىسىمشارت جاساسقان وزگە دە نان ءپىسىرۋشى كاسىپورىنداردا دا ساتىپ الىناتىن بيدايعا قاتىستى ءدال وسىنداي شەشىم قابىلداندى. ونداي كاسىپورىنداردىڭ سانى 61.
بيىلعى جىلدىڭ قازان ايىندا ازىق-ت ۇلىك كورپوراتسياسى العاش رەت كۇنباعىس, زىعىر, راپس, سويا ساتىپ الۋ جونىندە حابارلادى. قاراشادا اتالعان ءداندى-داقىلدارعا كومپانيا بەلگىلەگەن باعا مولشەرى جوعارلاتىلدى. كورپوراتسيانىڭ مۇنداي شارالارى وندىرۋشىلەر ءۇشىن ءتيىمدى باعا قالىپتاستىرۋعا ىقپال ەتىپ, تابىستارىن مولايتۋعا مۇمكىندىك بەرىپ وتىر.