ەلدىڭ مەجەلى, مەرەيلى جىلى بولادى. مىنە, بيىل قازاقستان رەسپۋبليكاسىنىڭ تاۋەلسىزدىگىنە 25 جىل تولدى. بۇل – وتكەن جولىمىزعا زەر سالا قارايتىن, وزىمىزگە دە, ەلدىك جەتىستىكتەرىمىزگە دە ەسەپ بەرەتىن تۇسىمىز.
ءبىز بۇگىنگى جەتىستىكتەرىمىزگە قالاي قول جەتكىزدىك؟ بۇگىنگى كۇنگە قالاي كەلدىك؟
1991 جىلى 16 جەلتوقساندا ءوز تاۋەلسىزدىگىن العان قازاقستان دەموكراتيالىق, زايىرلى, قۇقىقتىق جانە الەۋمەتتiك مەملەكەت قۇرۋ ماقساتىن العا قويدى. اتا-بابالارىمىز اڭساعان ازاتتىقتى الۋمەن قاتار, تاۋەلسىز مەملەكەتتى قالىپتاستىرۋدىڭ مىندەتى وراسان زور ەكەنى انىق. وسى جولدا مەملەكەت باسشىسى نۇرسۇلتان نازارباەۆ بارلىق سالادا جاڭا رەفورمالاردى جۇزەگە اسىردى. بىزگە نارىق قوعامىنىڭ زاڭدىلىقتارىنا توتەپ بەرە الاتىن, ەكونوميكالىق داعدارىستارعا قارسى الدىن الا ءىس-شارالار قابىلداي الاتىن, ەل ءىشىندەگى ءبىرلىكتى ساقتاي بىلەتىن, وزىندىك ەرەكشەلىكتەرى بار مەملەكەت قۇرۋ كەرەك بولدى. جاڭا مەملەكەتتى قالىپتاستىرۋدا كوپتەگەن جاڭا زاڭدار قابىلداندى.
قازاقستان رەسپۋبليكاسىنىڭ شيرەك عاسىر ىشىندەگى ىشكى جانە سىرتقى ساياساتتاعى, ەكونوميكا مەن الەۋمەتتىك-مادەني سالاداعى قول جەتكىزگەن تابىستارى اسا قوماقتى. مۇنى ءبىز عانا ەمەس, شەتەلدەردىڭ الەمگە تانىمال عالىمدارى, ساياساتكەرلەرى, جازۋشىلارى مەن جۋرناليستەرى, ساراپشىلارى دا ايتىپ ءجۇر.
وسى تابىستارعا ءبىز تاۋەلسىزدىك العان كەزىمىزدەن باستاپ دۇرىس جولمەن جۇرگەندىگىمىزدىڭ ءناتيجەسىندە جەتىپ وتىرمىز. رەسپۋبليكامىزدىڭ ءار وڭىرىندە «قازاقستان-2050» ستراتەگياسىن جۇزەگە اسىرۋ ءۇشىن بارلىق قاجەتتى شارالار جاسالۋدا.
قازاقستان پرەزيدەنتى نۇرسۇلتان ءابىش ۇلى نازارباەۆ ءبىر سوزىندە ءبىزدى قاي ىستە دە ورتاق مۇددە, ورتاق جەتىستىكتەرگە جىگەرلەندىرۋگە ءتيىس ەكەنىن ايتا كەلىپ: «بىرلىگى بەرەكەلى, تىرلىگى مەرەكەلى, ىنتىماعى جاراسقان ەلدىڭ عانا ىرىسى مەن تابىسى مول بولماق», دەپ اتاپ وتكەن ەدى. شىنىمەن دە, ەسەلى ەڭبەك قانا ەلدىڭ ىرىسىن ارتتىرادى ەمەس پە؟!
قازىر ەلىمىزدەگى بارلىق ءوندىرىس ورىندارى, ەڭبەك ۇجىمدارى 25 جىلدىق مەرەيتويعا ۇلكەن تابىسپەن جەتۋدى باستى ماقسات ەتىپ قويسا, سول ماقساتتارىنا ارقايسىسى حال-قادەرىنشە جەتىپ وتىر. مۇنى كۇندەلىكتى باسپاسوزدەن وقىپ, تەلەارنالاردان كورىپ ءجۇرمىز. حالىقتىڭ ىرىس-بەرەكەگە كەنەلىپ جاتقانىنا, ەڭبەگى باعالانىپ, مارتەبەسى كوتەرىلگەنىنە ءبارىمىز دە قۋانامىز. بيىل ەگىنشىلەر دە مول ءونىم الدى, كۇرىش وسىرۋشىلەر دە ۇلكەن تابىسقا قول جەتكىزدى. ماسەلەن, سىر ءوڭىرىنىڭ ديقاندارى الا جازدايعى تىنىمسىز ەڭبەگىنىڭ ارقاسىندا كۇرىشتەن قازاقستاننىڭ ەگىنشىلىك تاريحىندا بۇرىن-سوڭدى بولماعان رەكوردتىق ءونىم الدى. سىر بويىنىڭ ديقاندارى 80 مىڭ گەكتار ەگىستىكتىڭ ءار گەكتارىنان وبلىس بويىنشا 54,9 تسەنتنەردەن ءونىم الىپ, ەل قامباسىنا 440 مىڭ توننا كۇرىش قۇيدى.
جاز جايلى, جاڭبىرلى بولعاندىقتان, ءتىپتى بيىل قۇمدى, ءشولدى دالالاردىڭ دا قۇلپىرىپ كەتكەنىن كورگەن ادامدار تاڭدانىسپەن قۋانا ايتىپ جۇرگەنىنە كۋا بولدىق. سول سەبەپتى مال شارۋاشىلىعىمەن اينالىساتىن ادامداردىڭ دا ءتورت ت ۇلىگى قوڭدى بولىپ, تابىسى مولايا تۇسكەنى انىق. قوراسى قويعا, ءورىسى مالعا تولعان قازاقتىڭ كوڭىلى دە كوتەرىڭكى, جاعدايى دا جاقسى بولا تۇسەتىنى ءسوزسىز.
ەلباسىمىزدىڭ «بۇگىنگى ءبىزدىڭ تاۋەلسىزدىگىمىزدىڭ قاينار كوزى – قازاق حالقىنىڭ سان عاسىرلار بويعى كۇرەسىندە, ازاتتىققا ۇمتىلعان قايسارلىعىندا جاتىر», دەگەن قاناتتى ءسوزى بار. ءيا, تاۋەلسىزدىك – قاستەرلى, قاسيەتتى ۇعىم. ول بىزگە اتا-بابالارىمىزدىڭ جۇزدەگەن جىلدار بويعى كۇرەسىنىڭ ارقاسىندا ءتيىپ وتىر. ءبىز قانىن دا, جانىن دا قيىپ, جەرىن قورعاعان بابالارىمىزدىڭ الدىندا ماڭگىلىك قارىزدارمىز! ەندى بۇگىنگى ازات ەل بولعان تۇسىمىزدا ەسەلى ەڭبەگىمىزبەن, ءوتانسۇيگىشتىك قاسيەتىمىزبەن تاۋەلسىز قازاقستانىمىزعا قالتقىسىز قىزمەت ەتۋىمىز كەرەك!
مەملەكەت باسشىسى ماڭگىلىك ەل ورناتۋ يدەياسىن العا تارتتى. 2050 جىلعا قاراي الەمدەگى جان-جاقتى دامىعان, ءارى باسەكەگە قابىلەتتى, ەكونوميكاسى الەۋەتتى, حالقى بەرەكەلى 30 ەلدىڭ بىرىنە اينالۋ ماقساتىن العا قويدى. ەندەشە, وسى ۇلى مۇرات جولىندا ءاربىر ازامات ءوزىنىڭ بارلىق قابىلەت-قارىمىن, قايرات-جىگەرىن ورتاق مۇددەگە جۇمساۋى ءتيىس دەپ ويلايمىن. ەل بىرىكسە, الىنبايتىن اسۋ جوق. بىرلىگى مىقتى, ىنتىماعى جاراسقان قازاق ەلى ءالى تالاي بيىك بەلەستەردى باعىندىرادى دەگەن سەنىمدەمىن.
بارشاڭىزدى جاقىندا عانا كەڭ كولەمدە اتالىپ وتىلگەن ەل تاۋەلسىزدىگىنىڭ 25 جىلدىق مەرەيتويىمەن شىن جۇرەكتەن قۇتتىقتايمىن! قازاق ەلىنىڭ بارلىق تۇرعىندارىنا بىرلىك پەن بەرەكە, مول يگىلىكتەر مەن تابىستار تىلەيمىن! اعا ۇرپاق كەيىنگىگە ۇلگى كورسەتىپ, جاقسى ىستەرىمەن قۋانتا بەرسىن. ال جاستارىمىز XXI عاسىردىڭ زاماناۋي جەتىستىكتەرىن يگەرۋ ءۇشىن وقۋدا وزات, ەڭبەكتە الدا بولسىن!
حالقىمىز دا, ەلباسىمىز دا امان-ەسەن بولىپ, ەل تاۋەلسىزدىگى ماڭگىلىك بولسىن!
ابزال ەراليەۆ,
ءماجىلىس دەپۋتاتى,
قازاقستاننىڭ ەڭبەك ەرى