نۇرسۇلتان نازارباەۆ ەۋرازيالىق ەكونوميكالىق كوميسسيا القاسىنىڭ توراعاسى تيگران ساركيسياندى قابىلدادى. بۇل تۋرالى اقوردانىڭ ءباسپاسوز قىزمەتى حابارلايدى.
كەزدەسۋدە جوعارى ەۋرازيالىق ەكونوميكالىق كەڭەس وتىرىسىنىڭ كۇن تارتىبىندەگى جايتتار تالقىلاندى. 2016 جىلى قازاقستاننىڭ ەاەو-عا توراعالىعى بارىسىندا ەۋرازيالىق ينتەگراتسيانى ودان ءارى جالعاستىرۋ ماسەلەلەرىنە قاتىستى بىرقاتار ماڭىزدى قۇجاتتار ازىرلەندى, اتالعان ماسەلەلەر الداعى وتىرىستا قاراستىرىلاتىن بولادى.
ولاردىڭ قاتارىندا كولىك ساياساتىن بىرلەسە ۇيلەستىرۋ, كەدەن زاڭناماسى, ەلەكتر ەنەرگەتيكاسىنىڭ ورتاق نارىعىن قالىپتاستىرۋ ماسەلەلەرىن اتاپ وتۋگە بولادى.