قىزىلوردا وبلىسىندا العاشقى مەديتسينالىق-سانيتارلىق كومەك كورسەتۋ جەلىسى 379 ادامعا تولىقتى. جىل باسىندا مەديتسينا ماماندارىمەن قامتىلۋ 87 پايىزدى قۇراعان (328).
ەسەپتى مەرزىمگە دەيىن العاشقى مەديتسينالىق-ساراپتامالىق كومەك كورسەتۋ جەلىسىنە 32 جاس مامان تارتىلىپ, قىزمەتكەرلەر سانى 95 پايىزعا ۇلعايتىلدى. بۇل تۋرالى قىزىلوردا وبلىسىنىڭ دەنساۋلىق ساقتاۋ باسقارماسىنىڭ باسشىسى اقمارال ءالنازاروۆا مالىمدەدى.
- العاشقى مەديتسينالىق-سانيتارلىق كومەك كورسەتۋ دارىگەرلەرى مەن مەدبيكەلەردىڭ سانى 1:3 سايكەستىگىنە كەلتىرىلدى. سونىمەن بىرگە دارىگەرلىك ايماقتاردا تىركەلگەن حالىق سانىن 2200-دەن 1800-گە دەيىن, ال 2019 جىلعا قاراي 1500-گە دەيىن ازايتۋ جوسپارلانۋدا. 2017 جىلدىڭ قاڭتار ايىنان باستاپ العاشقى مەديتسينالىق-سانيتارلىق كومەك كورسەتۋ ساپاسىن ارتتىرۋ ماقساتىندا 34 جاڭا جالپى دارىگەرلىك ايماق اشىلاتىن بولادى,- دەدى باسقارما باسشىسى اقمارال ءالنازاروۆا.
وبلىستاعى بارلىق مەديتسينالىق مەكەمەلەردە ەمدەلۋشىلەردى قولداۋ قىزمەتى قۇرىلعان. كەزەككە تۇرۋدى ازايتۋ جانە قىزمەت كورسەتۋ ساپاسىن ارتتىرۋ ماقساتىندا العاشقى مەديتسينالىق-سانيتارلىق كومەك كورسەتۋ ۇيىمدارىنىڭ تىركەۋ جۇمىستارى ىسكە قوسىلدى. جۇيە اكىمشىلىگى قىزمەتى ەنگىزىلدى, ءىرى ەمحانالاردا ەمدەلۋشىلەردىڭ رەتتىلىگىن باقىلاۋ ءۇشىن ارنايى بەينەكامەرالار ورناتىلدى.