«استانا ەكسپو-2017» ۇك» اق قر ەنەرگەتيكا مينيسترلىگىمەن بىرلەستىكتە قازاقستاندىق ونەرتاپقىشتار اراسىنداعى «بولاشاق ەنەرگياسى» رەسپۋبليكالىق بايقاۋىن قورىتىندىلادى. ينتەرنەت پايدالانۋشىلارىنىڭ پىكىرلەرى بويىنشا, مارات يسەكەەۆتىڭ «روتورلىق تيپتەگى كوپدەڭگەيلىك كوپقاتارلى جەل ستانتسياسى» جوباسى ەڭ ۇزدىك بولىپ تانىلدى.
جەل ستانتسياسى وتپە جەل اسەرىن پايدالانادى, ونىڭ ەسەبىنەن قوندىرعى ەلەكتر ەنەرگياسىن وعان ۇقساس قوندىرعىلارمەن سالىستىرعاندا 30-50%-عا ارتىق وندىرەدى. رەسپۋبليكالىق بايقاۋ جەڭىمپازىن «استانا ەكسپو-2017» ۇك» اق باسقارما توراعاسىنىڭ ورىنباسارى ەربول شورمانوۆ قۇتتىقتادى.
«ءبىز ءۇشىن ەل وڭىرلەرىنىڭ بارلىعى دەرلىك, بارلىق عالىمدارىمىز, جاڭاشىلدارىمىز بەلسەندى قاتىسقان بۇل بايقاۋ ءبىزدىڭ ەلىمىزدە يننوۆاتسيالاردىڭ دامۋىنا قوزعاۋشى كۇش بولاتىندىعى قۋانتادى جانە ونىڭ ۇستىنە 2017 جىلى قازاقستاننىڭ ەكسپو-2017 كورمەسىنىڭ بازاسىندا اسا ءىرى يننوۆاتسيالىق الاڭعا اينالاتىندىعىن اتاپ ءوتۋ كوڭىل سۇيسىندىرەدى. ءبىزدىڭ وتاندىق عالىمدارىمىزدىڭ وزىق تەحنولوگيالارىن بۇكىل الەمگە كورسەتۋىمىزگە مۇمكىندىك تۋادى, وسى ورايدا بۇگىن عالىم مارات يسەكەەۆتى وسى ماراپاتىمەن قۇتتىقتاۋ مۇمكىندىگى مەن ءۇشىن ۇلكەن قۇرمەت. ونىڭ جوباسى وتاندىق عالىمدارىمىزدىڭ 28 جوباسىنىڭ قاتارىندا ەكسپو-2017 كورمەسىنىڭ بازاسىندا, قازاقستان» پاۆيلونىنداعى «جاسامپاز ەنەرگيا» ايماعىندا تانىستىرىلاتىن بولادى», - دەدى ە.شورمانوۆ.
بايقاۋعا بارلىعى جۇزگە تارتا ءوتىنىم كەلىپ ءتۇستى. ولاردىڭ اراسىنان ساراپتامالىق كوميسسيا 50 جوبانى ىرىكتەپ الدى, ولار www.yourexpo.kz سايتىنا ورنالاستىرىلدى. ونەرتاپقىشتار مەن جاڭاشىلدار اراسىنداعى تارتىس وسى سايتتا ءوتتى. سايتتا ورنالاستىرىلعان جوبالار ءۇشىن, جالپى العاندا, 55 مىڭداي ادام داۋىس بەردى.
بايقاۋ جەڭىمپازى تۋرالى انىقتاما:
يسەكەەۆ مارات مۇحامەتقالي ۇلى, تەحنيكا عىلىمدارىنىڭ كانديداتى, كومپيۋتەرلىك تەحنولوگيا جانە لوگيستيكا كافەدراسىنىڭ پروفەسسورى, قازاق ەڭبەك جانە الەۋمەتتىك قاتىناستار اكادەمياسى جانىنداعى «G-Global» جاستار شتابىنىڭ جەتەكشىسى.