وڭتۇستىك قازاقستان وبلىسى بويىنشا سوتتار اكىمشىسىنىڭ باسشىسى ورىنباسار لەشتاەۆتىڭ ۇيىمداستىرۋىمەن وبلىستىڭ سوت جۇيەسى ارداگەرلەرى, ورتا بۋىن جانە جاس سۋديالار مەن مەملەكەتتىك قىزمەتكە جاڭادان قابىلدانعان مامانداردىڭ, اۋعان سوعىسى ارداگەرلەرىنىڭ قاتىسۋىمەن ەرەكشە فورماتتاعى كەزدەسۋ ءوتتى.
– تاعدىر تالايى ۇنەمى قىل ۇستىندە بولعان قازاق حالقى تاريحتىڭ تالاي زوبالاڭىنان ءوتتى, – دەدى جۇزدەسۋدە ءسوز العان و.لەشتاەۆ. – اتا-بابا اڭساعان تاۋەلسىزدىگىمىزدى الدىق. مەملەكەت باسشىسى نۇرسۇلتان ءابىش ۇلى نازارباەۆتىڭ سىندارلى ساياساتىنىڭ ارقاسىندا الەمگە ايگىلى ەلگە اينالدىق. مەملەكەتتىك «ماڭگىلىك ەل» پاتريوتتىق اكتىسى ارقىلى دۇنيە جۇزىندەگى ەڭ دامىعان ەلدەردىڭ قاتارىنا قوسىلۋدى ماقسات تۇتقان حالىقپىز. ەلباسى بۇل بيىككە بۇكىل قازاقستاندىقتاردىڭ ارقاسىندا جەتكەنىمىزدى ۇنەمى ايتىپ كەلەدى. اعا بۋىن وكىلدەرىن قۇرمەتتەۋ ءبىزدىڭ باستى پارىزىمىز. قاريالارىمىزدىڭ ۇلگىسى مەن ونەگەسى ءتالىم مەن تاربيەنىڭ باستاۋى دەپ بىلەمىز. وسىنداي كەزدەسۋلەردى ۇيىمداستىرىپ, وتكىزىپ وتىرۋ بىرلىك پەن ۇرپاقتار ساباقتاستىعىنىڭ سيمۆولى رەتىندە ماڭىزدى. سوندىقتان, ءبىز بۇگىنگى كەزدەسۋگە ارداگەر سۋديالار مەن جاس سۋديالاردى, سوت كەڭسەسىنىڭ ورتا بۋىن جانە كەشە عانا انت قابىلداعان جاس مامانداردى ادەيى شاقىرىپ وتىرمىز, – دەدى ول.
وسىدان كەيىن قوناقتاردى كەزدەسۋدىڭ باعدارلاماسىمەن تانىستىرىپ, ونىڭ العاشقى بولىگىنە سايكەس ارداگەرلەر مەن سوت كەڭسەسىنىڭ ماماندارى جاڭادان اشىلعان «Shymkent plaza» ساۋدا ورتالىعىنا ەكسكۋرسيا جاسادى.
باسقوسۋدا استانا قالاسىندا وتكەن رەسپۋبليكا سۋديالارىنىڭ VII cەزىنىڭ دەلەگاتى, وقو كامەلەتكە تولماعانداردىڭ ىستەرى بويىنشا مامانداندىرىلعان اۋدانارالىق سوتىنىڭ سۋدياسى گ.ساتتاروۆا ەلباسىنىڭ قاتىسۋىمەن وتكەن سەزدەن العان اسەرلەرىمەن ءبولىستى. ورداباسى اۋداندىق سوتىنىڭ توراعاسى, اۋعان سوعىسى ارداگەرى ق.مۇساەۆ, شىمكەنت قالاسىنىڭ ءال-فارابي اۋداندىق سوتىنىڭ جاس سۋدياسى ب.قاراباەۆ, سوت جۇيەسىنى ارداگەرى ل.يۋدينا جانە ورتا بۋىن وكىلدەرى ح.الديكوۆا, ءا.تۇرعىنبەكوۆ ارداگەر سۋديالارعا دەنساۋلىق, ۇزاق ءومىر تىلەي وتىرىپ, مەرەكەمەن قۇتتىقتادى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى