ءوتىپ بار جاتقان جىلى الەم بويىنشا 74 جۋرناليست قازا بولعان, دەپ حابارلادى «رەپورتەرى بەز گرانيتس» قۇقىق قورعاۋ ۇيىمى. بۇل تۋرالى رەسەيدىڭ ينتەرفاكس اگەنتتىگى حابارلادى.
ەڭ كوپ جۋرناليست قازا بولعان ەل وتكەن جىلداعىداي سيريا بولىپ وتىر. بۇل ەلدە 19 ءتىلشى مەرت بولعان. اۋعانستاندا - 10, مەكسيكادا - 9, يراكتا - 7, يەمەندە 5 جۋرناليست كوز جۇمدى.
قۇقىق قورعاۋ ۇيىمى وكىلدەرىنىڭ مالىمەتتەرىنشە, 2016 جىلى قازا بولعان تىلشىلەردىڭ 9-ى بلوگەر, 8-ءى بۇقارالىق اقپارات قۇرالدارىمەن جۇمىس ىستەپ جۇرگەن ازاماتتار بولاتىن.
«جۋرناليستەرگە قاتىستى زورلىق-زومبىلىق ارەكەتتەرى كۇن وتكەن سايىن ادەيى ويلاستىرىلاتىن بولىپ بارا جاتىر», - دەدى «رەپورتەرى بەز گرانيتس» ۇيىمىنىڭ باس حاتشىسى كريستوف دەلۋار.
«ولاردىڭ كوپشىلىگى سول جۋرناليست بولعاندارى ءۇشىن ولتىرىلگەنى ايدان انىق», - دەپ قوستى ول. 2015 جىلمەن سالىستىرعاندا قازا بولعان جۋرناليستەر سانى ەداۋىر قىسقارعان.
الدىنداعى جىلى 101 ءتىلشىنىڭ قازا بولعانى تۋرالى ايتىلعان ەدى.