شىمكەنت ەلىمىزدەگى ەڭ ىڭعايلى قالا اتاندى. بۇل قازاقستاندىقتاردىڭ قالاۋى. تاۋەلسىز ساراپشىلار جۇرگىزگەن ساۋالنامادا كوپشىلىك وسىنداي تاڭداۋ جاساعان, دەپ حابارلايدى حابار24.
ۇلى جىبەك جولى بويىندا جاتقان كونە قالانىڭ 25 جىلدا اۋقىمى كەڭەيىپ, ەكونوميكاسى ءوستى. جاسىل قالانىڭ باس جوسپارى بەكىتىلىپ, اۋماعى 117 مىڭ گەكتارعا جەتتى. ىرگەلەس جاتقان ءۇش اۋداننان 40 ەلدى مەكەن قالانىڭ قاراۋىنا ءوتتى. ءسويتىپ حالىق سانى دا ميلليونعا جۋىقتادى.
شاھار بيۋدجەتى 1994 جىلى 1 ميلليارد تەڭگە بولسا, بۇگىندە 110 ميلليارد تەڭگەگە جەتكەن. ينۆەستيتسيا 200 ميلليارد تەڭگەگە وسكەن. 75 مىڭعا جۋىق كاسىپكەرلىك سۋبەكت بار. شيرەك عاسىردا 4 مىڭ شارشى مەترگە جۋىق تۇرعىن ءۇي سالىندى. ەل ەكونوميكاسىنىڭ ءوسۋى مەن ەڭبەكقور حالىقتىڭ اتقارعان جۇمىسىنىڭ ارقاسىندا قالا ەلىمىزدەگى الىپ مەگاپوليستەر قاتارىنا كىردى.
"ول رەيتينگتى ءبىز جاساعان جوقپىز. ءبىز ەشكىمگە ونى تاپسىرىس تا بەرگەن جوقپىز. ەشكىمگە ءوتىنىش تە جاساعان جوقپىز. بىزگە ۇلكەن توسىنسىي بولدى. سوندىقتان ەڭ ىڭعايلى قالادا تۇرىپ جاتىرمىز دەپ ماقتانىپ قويساق بولادى بارلىعىمىزعا," - دەيدى قالا اكىمى عابيدوللا ءابدىراحىموۆ.