جاپوننىڭ كومپيۋتەرلىك قاۋىپسىزدىك جۇيەسىن دايىندايتىن Trend Micro كومپانياسى 2017 جىلدىڭ باستى كيبەرقاۋىپتەرىن اتادى, دەپ حابارلايدى kommersant.ru.
«الداعى جىل كيبەرقاۋىپسىزدىكتىڭ جاڭا دەڭگەيگە كوتەرىلەتىن ۋاقىتى. 2016 جىلى كيبەرقىلمىسكەرلەر وزدەرىنىڭ شەبەرلىكتەرىن ارتتىرىپ, كيبەرشابۋىلداردىڭ ءتۇر-ءتۇرىن مەڭگەرىپ الدى. ونلاين بوپسالاۋدىڭ جاڭا تۇرلەرى ءىرى كورپوراتسيالارعا ۇلكەن قاۋىپ توندىرۋدە», - دەپ جازادى اتالعان كومپانيانىڭ ءباسپاسوز قىزمەتى.
جالپى, 2017 جىلى "ينتەرنەت دۇنيەلەر" مەن "ونەركاسىپتىك ينتەرنەت دۇنيەلەرگە" سانالى تۇردە ۇلكەن شابۋىلدار جاسالۋى ىقتيمال. بۇل تۇرعىدا ءىرى كورپوراتسيالاردىڭ "جاندى جەرلەرى", سونىڭ ىشىندە كورپوراتيۆتى جۇيەلەر كيبەرقىلمىسكەرلەر ءۇشىن ۇلكەن مۇمكىندىك كورىنەدى.
ساراپشىلاردىڭ ايتۋىنشا, Apple مەن Adobe ونىمدەرىنىڭ يەلەرى اتالعان قىلمىستاردان ساقتاندىرىلماعان.
«2016 جىلى Apple كومپانياسىنىڭ ءالسىز تۇستارى كوپتەپ انىقتالدى. ءبىر جىل ىشىندە 50 شاقتى ءالسىز تۇستارى بەلگىلى بولدى. ال Adobe ونىمدەرى ءۇشىن بۇل كورسەتكىش 135, Microsoft ونىمدەرىن بۇزۋ دە حاكەرلەر ءۇشىن بۇيىم ەمەس. كومپانيا ونىمدەرىنىڭ 76 جەرىنەن السىزدىك بايقالدى», — دەلىنگەن باياندامادا.