ماماندار تەرەڭدىگى ءۇش شاقىرىمنان اساتىن كيدد شاحتاسىن زەرتتەپ جاتىر. ءۇش جىل بۇرىن وسى جەردەن 2,4 كم تەرەڭنەن وقشاۋ قالعان سۋ قويماسىن تاپتى, ونىڭ جاسى 1,5 ملرد جىل ەكەندىگى بەلگىلى بولدى. قازىر عالىمدار بۇدان تەرەڭىرەكتە ۇزاق ۋاقىت ساقتالعان سۋدىڭ بار ەكەندىگىن انىقتادى. سوڭعى جولى 3 كم تەرەڭدە تابىلعان كونە قويماداعى سۋ 2 ملرد جىل ساقتالىپ كەلگەن, دەپ حابارلايدى Science Alert.
سۋدىڭ قۇرامىنداعى گازدارعا سىناما جاسالىپ (گەلي, نەون, ارگون, كسەنون) عالىمدار ونىڭ جاسى 2 ملرد جىلعا تەڭ دەگەن تۇجىرىم جاسادى. بۇل سۋ تۇيىق كۇيىندە ساقتالعان. ازىرگە ونىڭ قۇرامىنان ءتىرى اعزالار تابىلمادى. الايدا, وندا ميللياردتاعان جىل بۇرىنعى ميكروبتاردىڭ ءومىر ءسۇرۋى جوققا شىعارىلمايدى.
بۇل جەردە زەرتتەلمەگەن تىرشىلىك اۋماعى بار ەكەندىگىن عانا كورسەتىپ قويماي, باسقا پلانەتالاردا دا وسىنداي تۇستاردىڭ تابىلاتىنىن كورسەتەدى.