بەس جۇلدىزدى «الماتى» شيپاجايى قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي جانە «الماتى» شيپاجايىنىڭ قۇرىلعانىنا 50 جىل تولۋ مەرەيتويى قارساڭىندا «ءوز ەلىڭدە دەمال, ءوز جەرىڭدە ەم ال!» اتتى رەسپۋبليكالىق جىر ءمۇشايراسىن جاريالاعان بولاتىن. بۇگىن سايىستىڭ قورىتىندىسى شىعىپ, جۇلدەگەرلەر ماراپاتتالدى.
ەلىمىزگە بەلگىلى اقىندار قازىلىق جاساعان جىر سايىسىندا ءبىرىنشى ورىندى سەرىك قاليەۆ يەلەندى («الماتى» شيپاجايىنا 10 كۇندىك جولداما LUX), ەكىنشى ورىنعا - قۋانىش قولقاەۆ, ولجاس قاسىم لايىق دەپ تانىلدى («الماتى» شيپاجايىنا 10 كۇندىك جولداما STD). ءۇشىنشى ورىن ايدانا سەگىزباەۆا, باۋىرجان القوجا, ناۋرىزبەك سارشاەۆقا بۇيىردى ( «الماتى» شيپاجايىنا 7 كۇندىك جولداما STD). راۋان قايدار مەن قازبەك بايجۇمانعا ارنايى جۇلدە بەرىلىپ, ولار 7 كۇنگە ستاندارت نومىردە دەمالۋعا جولداما الدى. ماناس قايىرتاي, اسلان تىلەگەنوۆ, سايلاۋباي تويلىباەۆ, ۇلمەكەن لەسبەكوۆا ىنتالاندىرۋ سىيلىعىن الدى.
«ءمۇشايرانىڭ ماقساتى - قازاقستان رەسپۋبليكاسىنىڭ تاۋەلسىزدىك جىلدارىنداعى جەتىستىكتەرىن ناسيحاتتاۋ, وتاندىق ءتۋريزمنىڭ دامۋىنا ىقپال ەتۋ, «الماتى» شيپاجايىنىڭ قول جەتكىزگەن تابىستارىن حالىققا پاش ەتۋ, دارىندى اقىنداردىڭ شىعارماشىلىق قابىلەتىن ۇشتاۋ بولىپ تابىلادى», دەيدى شارانى ۇيىمداستىرۋشىلار.