الماتى وبلىسىنىڭ پوليتسەيلەرى بالالارعا توسىن سىي جاسادى. ولار تالدىقورعان قالاسىنداعى وبلىستىق مامانداندىرىلعان بالالار ءۇيىنىڭ تاربيەلەنۋشىلەرىنە ءتۇرلى سىيلىقتار تارتۋ ەتىپ, شات-شادىمان كوڭىلگە بولەدى, – دەپ حابارلايدى قازاقپارات.
اتالعان مەكەمەدە جاڭا تۋعان جانە 4 جاس ارالىعىنداعى بالالار تاربيەلەنەدى. بارلىعى اتا-انا قاراۋىنسىز قالعاندار. بۇگىن وسى سابيلەر ءۇشىن ەرەكشە كۇن بولدى. ىشكى ىستەر سالاسىنىڭ قىزمەتكەرلەرى ءجاۋدىر كوزدەردىڭ كوڭىلىن كوتەرۋ ماقساتىندا سايىقمازاقتاردى شاقىرىپ, ءتۇرلى قويىلىم مەن ويىندار ۇيىمداستىردى. ءوز كەزەگىندە بالالار ءۇيىنىڭ تاربيەلەنۋشىلەرى قوناقتارعا ونەرلەرىن كورسەتتى. بالالار ءۇيىنىڭ باس ادىسكەرى سۇلەيمەنوۆا گۇلجان سەيىتقىزى ۇيىمداستىرۋشىلارعا شەكسىز العىسىن ءبىلدىرىپ, جۇمىستارىنا ساتتىلىك تىلەپ, ەل تاۋەلسىزدىگىنىڭ 25 جىلدىق مەرەكەسىمەن قۇتتىقتادى. اتالعان شارا تاۋەلسىزدىكتىڭ 25 جىلدىعىنا وراي «25 قايىرىمدى ءىس» اكتسياسى اياسىندا ۇيىمداستىرىلدى. ءىىد-ءنىڭ قىزمەتكەرلەرى ۇيىمداستىرعان اكتسيا وبلىستىڭ بارلىق ەلدى مەكەنىندە ءوتتى. اياسىندا اتا-انا قامقورلىعىنسىز قالعان بالالارعا جانە مۇگەدەك جاندارعا, ارداگەرلەر مەن قارتتارعا, الەۋمەتتىك جاعدايى تومەن وتباسىلارعا كومەك كورسەتىلىپ, قۋانىشقا بولەندى. وبلىستىڭ پوليتسەيلەرى وسىناۋ يگى شارانى داستۇرگە اينالدىرماق نيەتتە