قازاقستان پرەزيدەنتى وزبەكستان رەسپۋبليكاسىنىڭ پرەزيدەنتى شاۆكات ميرزيوەۆپەن تەلەفون ارقىلى سويلەستى, دەپ حابارلادى akorda.kz.
اڭگىمە بارىسىندا شاۆكات ميرزيوەۆ نۇرسۇلتان نازارباەۆتى قازاقستان رەسپۋبليكاسى تاۋەلسىزدىگىنىڭ 25 جىلدىعىمەن قۇتتىقتاپ, حالقىمىزدىڭ ودان ءارى ءوسىپ-وركەندەۋىنە تىلەكتەستىك ءبىلدىردى.
نۇرسۇلتان نازارباەۆ شاۆكات ميرزيوەۆتى وزبەكستان رەسپۋبليكاسىنىڭ پرەزيدەنتى لاۋازىمىنا رەسمي تۇردە كىرىسۋىمەن قۇتتىقتادى.
سونداي-اق, ەكى ەل كوشباسشىلارى ەكىجاقتى قارىم-قاتىناستىڭ قازىرگى جاعدايى مەن پەرسپەكتيۆالارىن تالقىلاپ, قازاقستان مەن وزبەكستان ىنتىماقتاستىعىن جانداندىرۋدىڭ ماڭىزدىلىعىن اتاپ ءوتتى.
تەلەفون ارقىلى سويلەسۋگە وزبەكستان جاعى باستاماشى بولدى.