«نۇرلى جەر» باعدارلاماسى اياسىندا وڭىرلەردە كەزەكتە تۇرعان ادامدار ارەندالىق تۇرعىن ۇيلەردى ساتىپ الۋ قۇقىعىنسىز الا الادى. بۇل تۋرالى بۇگىن ۇكىمەت وتىرىسىندا قر ۇلتتىق ەكونوميكا ءمينيسترى قۋاندىق بيشىمباەۆ مالىمدەدى. ءمينيستردىڭ ايتۋىنشا, 15 جىلدىڭ ىشىندە وڭىرلەردە ساتىپ الۋ قۇقىعىنسىز جالعا بەرىلەتىن تۇرعىن ءۇي قورىن قۇرۋ ءۇشىن 2017 جىلدان باستاپ رەسپۋبليكا بويىنشا جىل سايىن 25 ملرد. تەڭگە ءبولۋ جوسپارلانعان. جالعا بەرىلەتىن تۇرعىن ۇيلەر جاو كەزەگىندە تۇرعان حالىقتىڭ الەۋمەتتىك جاعىنان وسال توپتارىنا ارنالعان. ولار 1-توپتاعى مۇگەدەكتەر, جەتىم بالالار جانە تاعى باسقا.
باعدارلاما جۇزەگە اسىرىلاتىن 15 جىل ىشىندە ارەندالىق تۇرعىن ءۇي قورى 45 مىڭ پاتەر نەمەسە 2,2 ملن شارشى مەتر باسپانانى قۇرايدى.
ەسكە سالا كەتسەك, «نۇرلى جەر» باعدارلاماسىنىڭ نەگىزگى ماقساتى جەكە تۇرعىن ءۇي قۇرىلىسىن دامىتۋ, تۇرعىن ءۇي قۇرىلىس جيناعى جۇيەسى ارقىلى كوپپاتەرلى باسپانالاردى ودان ءارى سالۋ, يپوتەكالىق نەسيەلەندىرۋدى دامىتۋ جانە جەكە قۇرىلىس سالۋشىلاردى ىنتالاندىرۋ بولىپ تابىلادى.
ارنۇر اسقار, "ەگەمەن قازاقستان".