ششۋچينسكتەگى ءدامحانادا بولعان جارىلىستان كەيىن قىلمىستىق ءىس قوزعالدى. وقيعاعا كىنالىلەرگە 10 جىلعا دەيىن باس بوستاندىعىنان ايىرۋ جازاسى بەرىلۋى مۇمكىن, دەپ حابارلايدى Egemen.kz.
اقمولا وبلىسىنىڭ تجد حابارلاۋىنشا, قازىرگى تاڭدا قر قك-نىڭ 292-بابىنىڭ 3-ءبولىمى بويىنشا ء(ورت قاۋىپسىزدىگى تالاپتارىن بۇزۋ, ناتيجەسىندە ەكى نەمەسە ودان كوپ ادامنىڭ قازاسىنا اكەپ سوعۋ) سوتقا دەيىنگى تەرگەۋ ءجۇرىپ جاتىر. قىلمىستىق كودەكس بويىنشا مۇنداي قىلمىس ءۇشىن 5-تەن 10 جىلعا دەيىن باس بوستاندىعىنان ايىرۋ قاراستىرىلعان.
ششۋچينسكتەگى جارىلىس: زارداپ شەككەندەردىڭ جاعدايى بەلگىلى بولدى
زارداپ شەككەندەردىڭ سانى 28 ادامعا جەتتى. ولاردىڭ كوپشىلىگى ءتۇرلى دارەجەدەگى كۇيىكتەر العان. قازىر ولار دارىگەرلەر باقىلاۋىندا.
«جارىلىس ناتيجەسىندە ورتەنىپ جاتقان عيماراتتان 10 ادام قۇتقارىلدى. جالپى 28 ادام زارداپ شەكتى, ونىڭ 13-ءى اۋرۋحاناعا جاتقىزىلدى, 8 ادامعا العاشقى مەديتسينالىق كومەك كورسەتىلگەننەن كەيىن ۇيىنە جىبەرىلدى. 7 ادام قايتىس بولدى», دەلىنگەن حابارلامادا.
جارىلىس 26 اقپان كەشكىسىن بولعان. ءورت سوندىرۋشىلەر ورتەنىپ جاتقان عيماراتتان سەگىز گاز باللونىن شىعاردى.