پرەمەر-مينيستر ولجاس بەكتەنوۆ ەۋرازيالىق دامۋ بانكى باسقارما توراعاسى نيكولاي پودگۋزوۆپەن كەزدەستى. كەزدەسۋدە ەكونوميكانىڭ باسىم سالالارىنداعى جوبالاردى ىسكە اسىرۋ جانە ينۆەستيتسيالىق ىنتىماقتاستىقتى كەڭەيتۋ ماسەلەلەرى قارالدى, دەپ حابارلايدى Egemen.kz.
ەۋرازيالىق دامۋ بانكى پورتفەلىندە جالپى قۇنى 19,6 ملرد دوللاردى قۇرايتىن 326 جوبا بار.
2022-2026 جىلدارى بانك قاتىسۋشى ەلدەرگە 9 ملرد دوللار ينۆەستيتسيا سالدى. سونىڭ 5,2 ملرد دوللارى قازاقستانعا تيەسىلى. بۇل – بانكتىڭ الدىڭعى 15 جىلداعى ينۆەستيتسيا كولەمىمەن تەڭ.
سوڭعى ءتورت جىلدا قازاقستان ەكونوميكاسىنا جىل سايىن 1 ملرد دوللاردان استام قارجى قۇيىلدى. 2025 جىلى بۇل كورسەتكىش 1,5 ملرد دوللارعا جەتتى. قازىر بانكتىڭ ينۆەستيتسيالىق پورتفەلىندەگى قازاقستاننىڭ ۇلەسى 64,9%-دى قۇرايدى.
بانكتىڭ ەلىمىزگە سالعان ينۆەستيتسيالارى نەگىزگى سەكتورلار بويىنشا بولىنگەن:
شامامەن 2,1 ملرد دوللار – ونەركاسىپتى دامىتۋعا; 1 ملرد دوللار – ەنەرگەتيكاعا; 1 ملرد دوللار – كولىك ينفراقۇرىلىمىنا; 1 ملرد دوللار– قارجى سەكتورىنا باعىتتالعان.قارجىلاندىرىلعان ماڭىزدى جوبالار:
«سيللەنو» گاز وڭدەۋ زاۋىتى; اتىراۋ وبلىسىنداعى KPI گاز-حيميا كەشەنى; تاۋ-كەن مەتاللۋرگيا كاسىپورىندارىن جاڭعىرتۋ; قاراعاندى, الماتى, اقتوبە قالالارىنداعى جەو-لاردى قايتا جاڭارتۋ.بانك ءداستۇرلى جانە جاڭارتىلاتىن ەنەرگەتيكانى قاتار قولدايدى. قازاقستاندا وندىرىلەتىن ءاربىر سەگىزىنشى كيلوۆاتت ەلەكتر ەنەرگياسى بانك قاتىسقان جوبالارعا تيەسىلى. جوبالار قاراعاندى, تۇركىستان, اقمولا وبلىستارىندا جۇزەگە اسىپ جاتىر.
كولىك سالاسىندا «قازاقستان تەمىر جولى» ۇلتتىق كومپانياسى قازاقستان تەمىر جولى ءۇشىن لوكوموتيۆتەر مەن جۇك ۆاگوندارىن جەتكىزۋ جانە اۆتوموبيل جولدارىن رەكونسترۋكتسيالاۋ بويىنشا جوبالار قارجىلاندىرىلدى.
تسيفرلىق باستامالار قورى ارقىلى جاساندى ينتەللەكت پەن تسيفرلىق پلاتفورمالاردى دامىتۋ جوبالارىنا قولداۋ كورسەتىلەدى.
ولجاس بەكتەنوۆ: ازاماتتاردىڭ تابىسىن ارتتىرۋعا باسا نازار اۋدارىلادى
بيىل بانك وڭدەۋ ونەركاسىبى مەن تاۋ-كەن سەكتورىنداعى ءىرى جوبالاردى قارجىلاندىرۋدى جالعاستىرادى.
ناقتى جوبالار:
وسكەمەن جەو-سىن جاڭعىرتۋ – جىلۋمەن قامتۋ سەنىمدىلىگىن ارتتىرۋ;
تۇركىستان جانە قىزىلوردا وبلىستارىندا ەكى كۇن ەلەكتر ستانساسىن سالۋ;
تەلەكوممۋنيكاتسيا ينفراقۇرىلىمىن كەڭەيتۋ;
ونەركاسىپتە ءوندىرىستى ۇلعايتىپ, جاڭا جۇمىس ورىندارىن اشۋ.
نيكولاي پودگۋزوۆ بانك قازاقستان ەكونوميكاسىنىڭ تۇراقتى دامۋىنا جانە حالىقتىڭ ءومىر ساپاسىن ارتتىرۋعا قولداۋ كورسەتۋگە دايىن ەكەنىن ايتتى. ول ەلدەگى كونستيتۋتسيالىق رەفورمالار ينۆەستيتسيالىق احۋالدى جاقسارتۋعا ىقپال ەتەتىنىن اتاپ ءوتتى.
پرەمەر-مينيستر مەملەكەتتىڭ اعىمداعى باسىمدىقتارىنا سايكەس كەلەتىن بازالىق ينفراقۇرىلىمدى دامىتۋعا ينۆەستيتسيا سالۋدىڭ ماڭىزدىلىعىن اتاپ ءوتتى. سونداي-اق تسيفرلاندىرۋ باعىتىندا بىرلەسكەن جوبالاردى كەڭەيتۋگە الەۋەت جوعارى ەكەنىن اتاپ ءوتتى.
كەزدەسۋ قورىتىندىسىندا ارىپتەستىكتى نىعايتۋ جانە ينۆەستيتسيالىق ىنتىماقتاستىقتى كەڭەيتۋ قازاقستان ەكونوميكاسىنىڭ تۇراقتى دامۋى ءۇشىن ماڭىزدى ەكەنى ايتىلدى.
جاڭا كونستيتۋتسيا – ورنىقتى ەكونوميكالىق ءوسىمنىڭ ىرگەتاسى: ولجاس بەكتەنوۆ ينۆەستيتسيالىق احۋال جونىندەگى كەڭەس وتكىزدى