بۇگىن مەملەكەت باسشىسى اقوردادا سەربيا پرەزيدەنتى الەكساندر ءۆۋچيچتى سالتاناتتى قارسى الدى. رەسمي راسىمنەن كەيىن تاراپتار شاعىن قۇرامدا كەلىسسوز وتكىزدى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەلىسسوز بارىسىندا قاسىم-جومارت توقاەۆ قازاقستان سەربيانى ەۋروپاداعى ماڭىزدى ستراتەگيالىق سەرىكتەس سانايتىنىن ايتتى.
«بىرقاتار باعىتتا, اسىرەسە, ەكونوميكالىق, مادەني-گۋمانيتارلىق سالالارداعى ىقپالداستىعىمىزدى نىعايتۋ ءۇشىن كوپ جۇمىس اتقاردىق. استانا مەن بەلگراد اراسىندا تىكەلەي اۋە رەيسى اشىلدى. ساۋدا قاتىناستارىمىز تابىستى دامىپ كەلەدى. قازاقستاندا 60-تان اسا سەربيالىق كومپانيا جەمىستى ەڭبەك ەتىپ جاتىر. نەگىزگى حالىقارالىق ماسەلەلەر بويىنشا ۇستانىمدارىمىز ورتاق. سوندىقتان ەكى ەل اراسىنداعى ىنتىماقتاستىقتىڭ بەرىك ءارى ءتيىمدى ىرگەتاسى قالاندى دەپ ويلايمىن. ءسىزدىڭ ساپارىڭىز دوستىق قارىم-قاتىناسىمىزعا تىڭ سەرپىن بەرۋ تۇرعىسىنان وتە ماڭىزدى ەكەنىنە سەنىمدىمىن», دەدى پرەزيدەنت.
ءوز كەزەگىندە الەكساندر ۆۋچيچ قازاقستانعا رەسمي ساپارمەن كەلگەنىنە قۋانىشتى ەكەنىن جەتكىزىپ, قوناقجايلىق تانىتقانى ءۇشىن قاسىم-جومارت توقاەۆقا ريزاشىلىعىن ءبىلدىردى.
ء«سىزدىڭ پىكىرىڭىزبەن تولىق كەلىسەمىن, ەلدەرىمىز اراسىندا شىنايى ستراتەگيالىق قارىم-قاتىناس ورناعان. ءسىزدىڭ قولداۋىڭىزدىڭ ارقاسىندا ساۋدا-ەكونوميكالىق بايلانىستارىمىز جوعارى قارقىنمەن دامىپ كەلەدى. الداعى ۋاقىتتا جاساندى ينتەللەكت, اقپاراتتىق تەحنولوگيالار مەن ەنەرگەتيكا سالالارىندا ىقپالداستىق ورناتۋ ارقىلى دوستىعىمىز جاڭا دەڭگەيگە كوتەرىلەدى دەپ ويلايمىن. ءسىزدى جاقىن ارادا ەلىمىزدە قارسى الۋعا دايىنبىز», دەدى الەكساندر ۆۋچيچ.