«سامۇرىق-قازىنا» قورى قىزمەتكەرلەرىنىڭ 10%-ىن قىسقارتادى. بۇل شەشىم قازاقستان پرەزيدەنتى قاسىم-جومارت توقاەۆتىڭ كۆازيمەملەكەتتىك سەكتورداعى كادرلىق قۇرىلىمدى قايتا قاراۋ جانە تيىمدىلىكتى ارتتىرۋ قاجەتتىگى جونىندەگى ۇسىنىستارىنا سايكەس قابىلداندى, دەپ حابارلايدى Egemen.kz.
قوردىڭ باسقارما توراعاسى نۇرلان جاقىپوۆ مالىمدەگەندەي, قىسقارتۋلار تەك اكىمشىلىك-باسقارۋشىلىق قىزمەتكەرلەردى قامتيتىن بولادى. بارلىق كورپوراتيۆتىك شەشىمدەر قابىلدانىپ, ەڭبەك زاڭناماسىنا سايكەس جۇزەگە اسادى.
ول بۇل شارالار ناۋرىز ايىنىڭ سوڭىنا دەيىن تولىق ىسكە اسىرىلاتىنىن اتاپ ءوتتى.
«قىسقارتۋلار تەك استاناداعى اكىمشىلىك-باسقارۋ بولىمدەرىنە قاتىستى بولادى, وندىرىستىك قۇرىلىمعا اسەر ەتپەيدى. استاناداعى قور قىزمەتكەرلەرىنىڭ جالپى سانى 6,5 مىڭ ادام, سوندىقتان شامامەن 650 ادام قىسقارتىلادى», دەدى نۇرلان جاقىپوۆ.
بۇعان دەيىن پرەزيدەنت قاسىم-جومارت توقاەۆ كەڭەيتىلگەن ۇكىمەت وتىرىسىندا كەيبىر كومپانيالاردا باسقارۋشىلىق كادرلاردىڭ شامادان تىس كوپتىگىن ەسكەرىپ, قۇرىلىمدى قايتا قاراۋدى تاپسىرعان ەدى.
توقاەۆ ۇلتتىق بانك توراعاسىنىڭ ورىنباسارىن لاۋازىمىنان بوساتتى