قازاقستانداعى ەڭ ءىرى ءۇش كەن ورنى – تەڭىز, قاشاعان جانە قاراشىعاناق 2024 جىلعى قاڭتاردا مۇناي جانە گاز كوندەنساتىن ءوندىرۋدى 2,4 ملن تونناعا قىسقارتىپ, 2,7 ملن تونناعا دەيىن تومەندەتتى. بۇل شامامەن 47%-دىق تومەندەۋ, دەپ حابارلايدى Egemen.kz.
Reuters اگەنتتىگىنىڭ حابارلاۋىنشا, نەگىزگى سەبەپ – تەڭىزدە بولعان ءورت پەن كاسپي قۇبىر كونسورتسيۋمى (كتك) جۇمىسىنداعى اقاۋلار.
تەڭىزدە ءوندىرىس 1,8 ملن تونناعا (66%);
قاشاعاندا – 495 مىڭ تونناعا (33%);
قاراشىعاناقتا – 118 مىڭ تونناعا (13%) قىسقاردى.
كتك تەڭىز تەرمينالىندا مۇناي تيەۋ قايتا ىسكە قوسىلدى
ءوندىرۋ 19 قاڭتاردا تەڭىزدەگى ەلەكترستانتسيا گەنەراتورى ورتەنگەن سوڭ توقتاپ قالعان. قاڭتار ايىندا ەل بويىنشا ورتاشا تاۋلىكتىك ءوندىرۋ 35%-عا تومەندەدى.
تەڭىز كەن ورنىندا مۇناي ءوندىرۋ قايتا جانداندى
نارىق قاتىسۋشىلارى مەن قازاقستاننىڭ ەنەرگەتيكا مينيسترلىگى وقيعانىڭ سالدارىن ءارتۇرلى باعالادى:
نارىق قاتىسۋشىلارى تەڭىزدە اقپان ايىنىڭ العاشقى اپتاسىندا ءوندىرىس تەك قالىپتى دەڭگەيدىڭ جارتىسىنا قالپىنا كەلەدى دەپ بولجادى.
ال ەنەرگەتيكا مينيسترلىگى ايدىڭ العاشقى كۇندەرىندە ءوندىرىس تولىق قالپىنا كەلەدى دەپ مالىمدەدى.
25 اقپاندا ورتتىڭ سالدارىن جويۋ جوندەۋ جۇمىستارى اياقتالدى, بىراق ءوندىرىس ءالى دە جوسپارلانعان دەڭگەيدەن 17%-عا تومەن.