استانا قالاسى پروكۋراتۋراسىنىڭ ۇيلەستىرۋىمەن پوليتسيا ورگاندارى مەن جەرگىلىكتى اتقارۋشى ورگاندار ۆانداليزممەن كۇرەس جۇمىستارىن جالعاستىرىپ كەلەدى. وسى جىلدىڭ باسىنان بەرى بوتەننىڭ مۇلكىن قاساقانا ءبۇلدىرۋ نەمەسە جويۋ ارەكەتتەرى ءۇشىن 20 ادام اكىمشىلىك جاۋاپكەرشىلىككە تارتىلدى. ونىڭ ىشىندە 13 ادام قاماققا الىنسا, 7 ادامعا جالپى سوماسى 1,3 ملن تەڭگە ايىپپۇل سالىنعان, دەپ حابارلايدى Egemen.kz.
مىسالى, 14 اقپاندا استانالىق تۇرعىن بالا ارباسىن قاساقانا زاقىمداعانى ءۇشىن سوت شەشىمىمەن 20 تاۋلىككە قاماۋعا الىندى. بۇل ارەكەتى ارقىلى ول 30 مىڭ تەڭگەگە شىعىن كەلتىرگەن. تاعى ءبىر جاعدايدا 44 جاستاعى ەر ادام ماس كۇيىندە كافە ەسىگىنىڭ اينەگىن سىندىرعانى ءۇشىن 5 تاۋلىككە قامالدى.
«اقىلدى» كامەرالار قۇرىعى: 12 ناۋرىزدان باستاپ ايىپپۇلدار اۆتوماتتى تۇردە جازىلادى
سونىمەن قاتار, 11 قاڭتاردا 21 جاستاعى استانالىق ازامات «Toyota» اۆتوكولىگىنىڭ الدىڭعى ەسىگىن قاساقانا زاقىمداعانى ءۇشىن 50 اەك مولشەرىندە ايىپپۇل تولەدى.
پروكۋراتۋرا ەلوردا تۇرعىندارى مەن قوناقتارىنا قوعامدىق ورىنداردا ۇساق بۇزاقىلىق جاساۋ, اينالاسىنداعىلارعا دورەكىلىك كورسەتۋ جانە قوعامدىق ءتارتىپتى بۇزاتىن باسقا دا زاڭسىز ارەكەتتەر 30 تاۋلىككە دەيىنگى اكىمشىلىك قاماق تۇرىندەگى جازاعا تارتىلۋى مۇمكىن ەكەنىن ەسكەرتتى.
ايىپپۇل وسسە دە ادام ءولىمى ازايماي تۇر؟ ساراپشى نە دەيدى؟