قارجى مينيسترلىگىنىڭ كەڭەيتىلگەن القا وتىرىسىندا مەملەكەت باسشىسىنىڭ ەكونوميكانى تسيفرلاندىرۋ, بيزنەستى قولداۋ جانە بيۋدجەت قاراجاتىن ءتيىمدى باسقارۋ جونىندەگى تاپسىرمالارىن ىسكە اسىرۋ ماسەلەلەرى تالقىلاندى, دەپ حابارلايدى Egemen.kz.
ۆيتسە-پرەمەر سەرىك جۇمانعارين ۇكىمەتتىڭ ەكونوميكالىق بلوگى الدىندا تۇرعان ستراتەگيالىق مىندەتتەردى جۇزەگە اسىرۋ ءۇشىن ۆەدومستۆونىڭ ۇيلەسىمدى جۇمىس ىستەۋى ماڭىزدى ەكەنىن اتاپ ءوتتى.
«بىلتىر قازاقستاننىڭ ءىجو 300 ملرد دوللاردان استى. جان باسىنا شاققانداعى ءىجو مولشەرى 15 مىڭ دوللارعا جەتتى. ءبىز بيۋدجەت-سالىق رەفورماسىن جۇرگىزدىك. ونىڭ ماقساتى – مەملەكەتتىك قارجىنى شوعىرلاندىرۋ. ال قازىر بيۋدجەت شىعىستارىن ودان ءارى وڭتايلاندىرۋداعى نەگىزگى ءرول قارجى مينيسترلىگىنە جۇكتەلىپ وتىر. مەملەكەتىمىزدىڭ دامۋىنداعى الەۋمەتتىك باعىت-باعدار ساقتالادى. بىراق بارلىق بيۋدجەتتىك باعدارلاماعا قاتاڭ رەۆيزيا جاسايمىز. بيۋدجەت شىعىستارىنا تۇراقتى نەگىزدە تەكسەرىس جۇرگىزەمىز. بيۋدجەت جوبالارىن ىرىكتەۋ تەتىگىن جەتىلدىرۋ قاجەت. البەتتە, ەداۋىر مىندەت قارجى مينيسترلىگىنە جۇكتەلەدى», دەدى سەرىك ماقاش ۇلى.
قارجى ءمينيسترى ءمادي تاكيەۆ جاڭا كونستيتۋتسيا جوباسى مەن الداعى رەفەرەندۋمعا توقتالىپ, جاڭا زاڭدا ادىلەتتى قازاقستاننىڭ نەگىزگى باعدارلارى – زاڭ الدىندا بارلىعىنىڭ تەڭدىگى, تەڭگەرىمدى ادال ەكونوميكا, مۇمكىندىكتەردى ءادىل ءبولۋ جانە ازاماتتاردىڭ مۇددەسىنە قىزمەت ەتەتىن مەملەكەت كونتسەپتسياسى بەكىتىلگەنىن ايتتى.سونىمەن قاتار مينيسترلىك قىزمەتكەرلەرىنىڭ كۇش-جىگەرى حالىقتىڭ ءومىر ساپاسىن جاقسارتۋعا باعىتتالۋى ءتيىس ەكەنىن جەتكىزدى.
مەملەكەتتىك قارجى جونىندەگى قوعامدىق كەڭەستىڭ جۇمىسى دا ەرەكشە اتاپ ءوتىلدى, ال كەڭەس توراعاسى جاقسىبەك قۇلەكەەۆ ۇسىنىستاردىڭ بارلىعى قارجى مينيسترلىگى تاراپىنان تولىق قارالعانىن ايتتى.
2025 جىلى مەملەكەتتىك بيۋدجەتتىڭ كىرىسى (ترانسفەرتتەردى ەسەپتەمەگەندە) 24,6 ترلن تەڭگەگە ارتتى, كىرىس جوسپارى 100,1% ورىندالدى. 2026 جىلعا رەسپۋبليكالىق بيۋدجەتكە تۇسەتىن سالىق تۇسىمدەرى 18,9 ترلن تەڭگە كولەمىندە بەكىتىلدى, بۇل 2025 جىلعى مەجەدەن 4,4 ترلن تەڭگەگە نەمەسە 30,6% جوعارى. بيۋدجەتتىڭ ورىندالۋى ەكونوميكانىڭ ءوسىمى, جاڭا سالىق كودەكسى, سالىقتىق جانە كەدەندىك اكىمشىلەندىرۋدى جاقسارتۋ جانە فيسكالدى پروتسەستەردى تسيفرلاندىرۋ ارقىلى قامتاماسىز ەتىلەتىنى ايتىلدى.
سونداي-اق 2025 جىلى بيۋدجەتتىڭ كىرىس-شىعىس بولىگى «مەملەكەتتىك قارجىنىڭ تسيفرلى كارتاسى» جوباسى ارقىلى گەونۇكتەلەرگە بايلانىستى ۆيزۋاليزاتسيالاندى. جوبا وڭىرلىك بيۋدجەتتەردەگى كىرىس-شىعىس دەرەكتەردى, فيسكالدى چەكتەر مەن تاۋار اناليتيكاسى مەن تاۋەكەلدەردى قامتيدى. بيىل بۇل جۇيە جي-اناليتيكاسىن پايدالانىپ, ۇلتتىق ەكونوميكانى تالداۋدىڭ تولىق پلاتفورماسىنا كوشۋگە باعىتتالعان.
پرەزيدەنت ۇكىمەتكە بيۋدجەت باعدارلامالارىنا رەۆيزيا جۇرگىزۋدى تاپسىردى
كاسىپكەرلەرگە قولايلى جاعداي جاساۋ ماقساتىندا قارجى مينيسترلىگى «تازا پاراقتان» تەتىگىن ىسكە قوسىپ, ميكرو جانە شاعىن بيزنەسكە ارنالعان ءبىر رەتتىك اكتسيا وتكىزدى, كەيبىر تەكسەرۋلەرگە ۋاقىتشا موراتوري ەنگىزىلدى. بۇل شارالار بيزنەسكە جۇكتەمەنى ازايتۋعا جانە كولەڭكەلى ەكونوميكانى تومەندەتۋگە باعىتتالعان. سونىمەن قاتار مەملەكەتتىك ساتىپ الۋ, مەملەكەتتىك اۋديت, سالىقتىق جانە كەدەندىك اكىمشىلەندىرۋدى جەتىلدىرۋ, تسيفرلى جوبالاردى ەنگىزۋ, مەملەكەتتىك م ۇلىكتى باسقارۋ جانە تسيفرلى تەڭگەنى پايدالانۋ ماسەلەلەرى قارالدى. دەنساۋلىق ساقتاۋ مەن ءبىلىم بەرۋ سالاسىنداعى قىزمەتتەردى تولەۋ جانە قارجى اعىندارىنىڭ اشىقتىعىن قامتاماسىز ەتۋ شارالارى دا تالقىلاندى.
«Google سالىعى»: قاڭتار ايىندا بيۋدجەت قورجىنى 8,7 ملرد تەڭگەمەن تولىقتى
سىبايلاس جەمقورلىققا قارسى ءىس-قيمىلعا ەرەكشە نازار اۋدارىلىپ, ونىڭ الدىن الۋ ەلىمىزدەگى باسىمدىقتاردىڭ ءبىرى رەتىندە قاراستىرىلدى.
وتىرىس سوڭىندا قاتىسۋشىلار 2026 جىل مەملەكەت باسشىسىنىڭ ستراتەگيالىق مىندەتتەرىن ىسكە اسىرۋداعى ماڭىزدى كەزەڭ ەكەنىن, مەملەكەتتىك قارجى جۇيەسىنىڭ تسيفرلى ترانسفورماتسياسىن نىعايتۋ, جاساندى ينتەللەكتىنى ەنگىزۋ, بيزنەسكە جاڭا تەتىكتەرمەن قولداۋ كورسەتۋ جانە بيۋدجەت قاراجاتىن اشىق باسقارۋ مينيسترلىكتىڭ باستى باعىتتارى بولىپ قالا بەرەتىنىن اتاپ ءوتتى.
جەرگىلىكتى بيۋدجەتتەردىڭ رەسپۋبليكالىق بيۋدجەتكە تاۋەلدىلىگى 34%-عا دەيىن تومەندەيدى