مۇناي ەكسپورتتاۋشى ەلدەر ۇيىمى (وپەك) مەن كارتەلگە كىرمەيتىن مەملەكەتتەر اراسىندا مۇناي ءوندىرىسىن قىسقارتۋ تۋرالى كەلىسىمگە قول جەتكىزىلگەننەن كەيىن, Brent ماركالى مۇنايىنىڭ فيۋچەرستەر قۇنى لوندون ICE 0ور نارىعىندا 2015 جىلدىڭ 21 شىلدەسىنەن بەرى العاش رەت 57 دوللاردان استى, دەپ حابارلايدى قازاقپارات.
سەنبى, 10 جەلتوقسان كۇنى ۆەنادا وپەك-كە مۇشە ەمەس ەلدەر مينيسترلەرىنىڭ كارتەلگە ەنبەيتىن مەملەكەتتەر وكىلدەرىمەن كەزدەسۋى اياقتالدى. وتىرىس التى ساعاتقا جالعاسىپ, ناتيجەسىندە مۇناي ءوندىرىسىن شەكتەۋ تۋرالى كەلىسىمگە قول قويىلدى. كەلىسىمگە وپەك-كە كىرمەيتىن 11 مەملەكەت قوسىلدى. ولار العاشقى جارتىجىلدىقتا مۇناي ءوندىرىسىن تاۋلىگىنە 562 مىڭ باررەلگە دەيىن ازايتاتىن بولادى.
ايتا كەتەيىك, 30 قاراشا كۇنى وپەك قۇرامىنداعى مەملەكەتتەر مۇناي ءوندىرىسىن قىسقارتۋ تۋرالى كەلىسكەن بولاتىن: 2017 جىلدىڭ قاڭتار ايىنان باستاپ ول تاۋلىگىنە 1,2 ميلليون باررەلگە دەيىن قىسقارادى. سول كۇنى نوۆاك رەسەيدىڭ وتىن ءوندىرىسىن تاۋلىگىنە 300 مىڭ باررەلگە دەيىن ازايتۋعا دايىن ەكەنىن حابارلادى.