ەلباسى نۇرسۇلتان نازارباەۆ «25 kz قازىرگى زامان تاريxى» دەرەكتى فيلمىندە استاناداعى سەنات, ۇكىمەت جانە وزگە دە عيماراتتار كىمنىڭ قاراجاتىنا سالىنعانىن ايتىپ بەردى, دەپ xابارلايدى قازاقپارات.
«استانادا ورنالاسقان سەناتتىڭ عيماراتى اراب اقشاسىنا سالىندى. سۇلتان حانزادا 15 ميلليون دوللار سىيلىق رەتىندە بەردى. ول تاعى كارديولوگيالىق ورتالىقتىڭ قۇرىلىسىنا اقشا ءبولدى. قازاقستان ۇكىمەتى عيماراتىن سالۋعا ەلىمىزدەگى مۇناي كونسورتسيۋمدارى 25 ميلليون دوللار ءبولدى. ولاردى ەلوردامىزدىڭ قۇرىلىسىنا قوسقان ۇلەستەرىڭىز بولسىن دەپ مەن سۇرادىم. كۋۆەيت سالعان عيمارات بار. ەسكى قالادا قازىر وندا اۋىل شارۋاشىلىعى مينيسترلىگى ورنالاسقان. بۇرىنعى اكىمدىك. ول كەزدە ولار اكىمدىك قۇرىلىسىن جۇرگىزۋ ءۇشىن 15 ميلليون دوللار بەرگەن ەدى.
«سالتانات سارايى» عيماراتىنا ومان باسشىسى 10 ميلليون دوللارلىق چەكتى جازىپ بەردى. ول چەكتىڭ تاريxى ۇلكەن. مەن باسقارۋشىعا چەكتى بەرىپ ەدىم, ول قاراجاتتى نە ءۇشىن جۇمسايمىز دەپ ابدىراپ قالدى, مەن «بار, سالتانات سارايىن سال» دەدىم. تۇرىك كومپانيالارى, قالعاندارى دا بىزگە قولداۋ جاسادى. بارلىعى 300 ميلليون دوللار ينۆەستيتسيا تارتىلدى», - دەدى ەلباسى اتالمىش فيلمدە.
ايتا كەتەيىك, استانا قالاسى قازىر ەل بيۋدجەتىنە قاراجات ءتۇسىرىپ وتىرعان قازاقستانداعى دونور قالالاردىڭ ءبىرى. ەلوردا xالقى بيىل 1 ميلليون ادامعا جەتتى جانە ەلىمىزدىڭ برەندىنە اينالدى. قالاداعى بارلىق ماڭىزدى عيماراتتار مەن نىساندار ەلباسىنىڭ جەكە قاتىسۋىمەن اشىلادى.