بۇگىن, 8 جەلتوقسان كۇنى, «نۇر وتان» پارتياسىنىڭ قىزىلوردا وبلىستىق فيليالى پارتيانىڭ جاڭا مۇشەلەرىن سالتاناتتى تۇردە قابىلدادى. ولاردىڭ قاتارىندا اۋعان سوعىسىنىڭ ارداگەرلەرى, سپورت جانە مادەنيەت سالاسىنىڭ قىزمەتكەرلەرى, ۇكىمەتتىك ەمەس ۇيىمدار مەن باق وكىلدەرى بار.
قىزىلوردا وبلىسىنىڭ اكىمى, «نۇر وتان» پارتياسى وبلىستىق فيليالىنىڭ توراعاسى قىرىمبەك كوشەرباەۆ ولاردى پارتيا قاتارىنا قوسىلۋىمەن قۇتتىقتاپ, پارتيا بيلەتتەرىن تابىستادى.
- تاۋەلسىز مەملەكەتىمىزدىڭ تۇڭعىش پرەزيدەنتى نۇرسۇلتان ءابىش ۇلى نازارباەۆ باسقاراتىن «نۇر وتان» پارتياسى بۇگىندە قوعامداعى ەڭ ماڭىزدى ساياسي كۇش. قۇرامىندا 1 ملن.نان استام مۇشە بولسا, ونىڭ 50 مىڭى قىزىلوردالىقتار. پارتيا قۇرامىندا بولۋ, ەلدىڭ الدىندا ءجۇرۋ – زور جاۋاپكەرشىلىك, ۇلكەن باقىت. سىزدەردى تۋعان جەرىمىزدى تۇلەتۋگە, جاسارىپ, جايناۋىنا مول ۇلەس قوسادى دەپ سەنەمىن,-دەدى وبلىس اكىمى.
پارتيا قاتارىنا جاڭادان قابىلدانۋشىلاردىڭ اتىنان قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ءباسپاسوز حاتشىسى گاۋحاراي ەسىموۆا جانە اۋعان سوعىسىنىڭ ارداگەرى قۋانىشبەك سىزدىقوۆ ءوز العىستارىن ءبىلدىرىپ, سەنىمنەن شىعۋعا تىرىساتىندىقتارىن جەتكىزدى.