الەۋمەتتىك جەلىلەردە تاراعان اقپاراتقا سايكەس, شىمكەنت قالاسىندا ساباق بارىسىندا 7 جاستاعى وقۋشى قىزعا قاتىستى ادەپسىز ارەكەتتەر جاسالعان. اتالعان دەرەككە بايلانىستى مەكتەپ مۇعالىمى ۇستالىپ, قاماۋعا الىندى, دەپ حابارلايدى Egemen.kz.
بۇل مالىمەتتى قالالىق ءبىلىم باسقارماسى راستادى. ۆەدومستۆونىڭ حابارلاۋىنشا, وقيعا «نۇرتاس» جەكەمەنشىك مەكتەبىندە تىركەلگەن.
«كامەلەتكە تولماعان قىز بالاعا ينفورماتيكا ءپانى مۇعالىمى تاراپىنان قۇقىققا قايشى ارەكەتتەر جاسالعانى انىقتالدى», دەپ مالىمدەدى باسقارما وكىلدەرى.
شىمكەنت قالالىق پوليتسيا دەپارتامەنتى اتالعان فاكت بويىنشا قىلمىستىق ءىس قوزعالعانىن حابارلادى. كۇدىكتى رەتىندە قالا تۇرعىنى ۇستالىپ, ۋاقىتشا ۇستاۋ يزولياتورىنا قامالعان.
استانادا 82 جاستاعى قاريا شوبەرەسىنە زورلىق-زومبىلىق كورسەتكەنى ءۇشىن 20 جىلعا سوتتالدى
قازىرگى ۋاقىتتا جەدەل-تەرگەۋ توبى وقيعانىڭ بارلىق ءمان-جايىن جان-جاقتى جانە وبەكتيۆتى انىقتاۋ ءۇشىن كەشەندى شارالار جۇرگىزەدى. بەينەباقىلاۋ كامەرالارىنىڭ جازبالارى زەرتتەلىپ, كۋاگەرلەردەن جاۋاپ الىنىپ جاتىر.
پوليتسيا وكىلدەرىنىڭ ايتۋىنشا, تەرگەۋ بارىسى دەپارتامەنت باسشىلىعىنىڭ ەرەكشە باقىلاۋىندا. بارلىق پروتسەسسۋالدىق ارەكەتتەر زاڭ تالاپتارىنا سايكەس جۇزەگە اسادى.