بەرىك اسىلوۆ: «زاڭ مەن ءتارتىپ» قاعيداتى جاڭا كونستيتۋتسيا جوباسىندا ىرگەلى قۇندىلىققا اينالادى

تالقىلاۋعا پرەزيدەنت اكىمشىلىگىنىڭ, پارلامەنتتىڭ, ادام قۇقىقتارى جونىندەگى ۋاكىل ينستيتۋتىنىڭ, عىلىمي قوعامداستىقتىڭ, سونداي-اق قوعامدىق ۇيىمداردىڭ وكىلدەرى قاتىستى.كونستيتۋتسيالىق رەفورما پرەزيدەنت قاسىم-جومارت توقاەۆتىڭ ازاماتتاردىڭ قۇقىقتارى مەن بوستاندىقتارىنىڭ كەپىلدىكتەرىن نىعايتۋعا, زاڭنىڭ ۇستەمدىگىن قامتاماسىز ەتۋگە جانە ءادىل قازاقستاننىڭ ورنىقتى مودەلىن قالىپتاستىرۋعا باعىتتالعان باستامالارىنىڭ دايەكتى جالعاسى رەتىندە قاراستىرىلدى. قاتىسۋشىلار ۇسىنىلىپ وتىرعان وزگەرىستەر مەملەكەتتىڭ ساياسي, قۇقىقتىق جانە الەۋمەتتىك-ەكونوميكالىق دامۋىنىڭ ۇزاق مەرزىمدى باعدارلارىن بەلگىلەيتىنىن اتاپ ءوتتى.باس پروكۋرور بەرىك اسىلوۆ قاتىسۋشىلارعا ارناعان سوزىندە نەگىزگى زاڭنىڭ پرەامبۋلاسىندا «زاڭ مەن ءتارتىپ» قاعيداتىن بەكىتۋ وعان ىرگەلى كونستيتۋتسيالىق قۇندىلىق مارتەبەسىن بەرەتىنىن اتاپ ءوتتى. ول قوعامدىق قۇقىقتىق سانانى نىعايتۋعا جانە زاڭ بۇزۋشىلىققا مۇلدەم توزبەۋشىلىككە باسا نازار اۋدارىلىپ وتىرعانىن ايتتى.تۇتاستاي العاندا, ۇسىنىلىپ وتىرعان تۇزەتۋلەر پروگرەسسيۆتى سيپاتقا يە جانە ازاماتتاردىڭ قۇقىقتارى مەن بوستاندىقتارىنىڭ كەپىلدىكتەرىن ودان ءارى كۇشەيتۋگە, مەملەكەتتىك باسقارۋدىڭ تيىمدىلىگىن ارتتىرۋعا, قۇقىقتىق ءتارتىپتى نىعايتۋعا باعىتتالعان.قازىرگى ۋاقىتتا كونستيتۋتسيا جوباسى كەڭىنەن تالقىلانىپ, الداعى وزگەرىستەر مەن جاڭعىرتۋلار تۋرالى قوعامعا جان-جاقتى اقپارات بەرىلىپ جاتىر.

ۇسىنىلعان تۇزەتۋلەر بويىنشا اشىق ديالوگتىڭ ماڭىزدىلىعىن ايتقان باس پروكۋرور جۇيەلى ءتۇسىندىرۋ جۇمىستارىن جالعاستىرۋ جانە جوبا بويىنشا پىكىر الماسۋعا كاسىبي جانە ازاماتتىق قوعامدى كەڭىنەن تارتۋ قاجەتتىگىن اتاپ ءوتتى. بۇل ءتاسىل رەفورمالاردىڭ ءمانىن دۇرىس كورسەتپەيتىن تۇسىندىرۋلەر مەن قورىتىندىلاردى بولدىرماۋعا كومەكتەسەدى, ءارى جاڭاشىلدىقتار مازمۇنىن وبەكتيۆتى ءتۇسىنۋدى قامتاماسىز ەتەدى.دوڭگەلەك ۇستەلگە قاتىسۋشىلار جاڭا كونستيتۋتسيا جوباسىنىڭ پراكتيكالىق اسپەكتىلەرىنە دەن قويدى. كەلەسى سالالارعا ەرەكشە نازار اۋدارىلدى:– زاڭ الدىنداعى تەڭدىك – قۇقىقتىق قورعاۋ تەتىكتەرىن جەتىلدىرۋ جانە زاڭنامانىڭ بىركەلكى قولدانىلۋىن قامتاماسىز ەتۋ;– ازاماتتاردىڭ قۇقىقتارىن قورعاۋدىڭ باسىمدىعى – قۇقىق بۇزۋشىلىقتىڭ الدىن الۋعا جانە حالىقتىڭ زاڭدى مۇددەلەرىن قورعاۋعا باسا نازار اۋدارا وتىرىپ, قۇقىق قورعاۋ ورگاندارى ءۇشىن سەرۆيستىك ۇلگىنى ازىرلەۋ;– قۇقىقتىق سالاداعى تسيفرلىق شەشىمدەر – جەكە دەرەكتەردى قورعاۋدىڭ كونستيتۋتسيالىق كەپىلدىكتەرىن كۇشەيتە وتىرىپ, ۇلكەن دەرەكتەر مەن جاساندى ينتەللەكت ەلەمەنتتەرىن تالداۋدى ەنگىزۋ;قۇقىقتىق مادەنيەتتى دامىتۋ – تۇراقتى قۇقىقتىق ءتارتىپتىڭ نەگىزى رەتىندە قۇقىقتىق ءبىلىم بەرۋ ساپاسىن ارتتىرۋ جانە قۇقىقتىق سانانى نىعايتۋ.

سپورت جانە ونەر مايتالماندارى رەفەرەندۋمدى قولداۋعا شاقىردى

وتكىزىلگەن دوڭگەلەك ۇستەل مازمۇندى پىكىر الماسۋ الاڭىنا اينالدى جانە عىلىمي-ساراپتامالىق قوعامداستىقتىڭ زاڭدىلىق, ادىلدىك جانە ادام قۇقىقتارىن قۇرمەتتەۋ قاعيداتتارىنا نەگىزدەلگەن قازاقستان رەسپۋبليكاسىنىڭ قازىرگى زامانعى كونستيتۋتسيالىق مودەلىن قالىپتاستىرۋعا ۇلەس قوسۋعا دايىندىعىن راستادى.

سپورتشىلار ەل ازاماتتارىن رەفەرەندۋمدى قولداۋعا شاقىردى