بۇگىن تۇسقايتا اتىراۋ قالاسىندا شاڭدى داۋىل كوتەرىلدى. وبلىس اكىمىنىڭ ءباسپاسوز قىزمەتىنەن ءمالىم ەتكەندەي, شاڭدى داۋىل كاسپي تەڭىزىنىڭ تاياز تۇبىنەن سوقتى, دەپ حابارلايدى Egemen.kz.
ال «قازگيدرومەت» رمك وڭىرلىك فيليلالىنىڭ دەرەگىنە قاراعاندا, كاسپي تەڭىزى باعىتىنان سوققان جەلدىڭ جىلدامدىعى سەكۋندىنا 10-13 مەترگە جەتكەن.
«اۋا مونيتورينگى ستانتسيالارىندا رۇقسات ەتىلگەن نورمالاردان اسۋ دەرەگى بايقالمايدى. وبلىستىق توتەنشە جاعدايلار دەپارتامەنتى مەن «اقجايىق» مەملەكەتتىك تابيعي رەزەرۆاتىنىڭ مالىمەتتەرىنە سايكەس ءوڭىر اۋماعىندا ءورت تىركەلگەن جوق. اتىراۋ وبلىسى بويىنشا ەكولوگيا دەپارتامەنتى شاڭدى داۋىل كەزىندە قاجەتتىلىك بولماسا, ۇيدەن شىقپاۋدى ۇسىنادى. اتالعان دەپارتامەنت ماماندارى اتموسفەرالىق اۋانىڭ ساپاسىنا تۇراقتى تۇردە مونيتورينگ جۇمىسىن جۇرگىزۋدى قولعا الدى», دەپ حابارلادى اكىمدىكتىڭ ءباسپاسوز قىزمەتى.
41 گرادۋس اياز: ەلىمىزدىڭ بىرنەشە وڭىرىندە داۋىلدى ەسكەرتۋ جاريالاندى