"الماتى ارەنادا" ۋنيۆەرسيادا-2017-گە ارنالعان پوشتا ماركالارى تانىستىرىلدى, دەپ حابارلايدى "قازپوشتا" ۇلتتىق كومپانياسىنىڭ ءباسپاسوز قىزمەتى.
"بۇگىن سىزدەرگە 28-بۇكىلالەمدىك قىسقى ۋنيۆەرسيادا-2017 جارىسىنىڭ رەسمي سەرىكتەسى - "قازپوشتا" اق پوشتا وپەراتورىنىڭ فيليالى EMS-Kazpost كومپانياسىن تانىستىرعىمىز كەلەدى. سەرىكتەستىك اياسىندا ۋنيۆەرسياداعا ارنالعان پوشتا ماركالارى شىعارىلدى. مۇنداي ءىرى شارالارعا ارناپ شىعارىلعان ماركالار ونىڭ مەملەكەت ءۇشىن ماڭىزدىلىعىن كورسەتەدى", دەدى ۋنيۆەرسيادا-2017 ديرەكتسياسى ديرەكتورىنىڭ ءبىرىنشى ورىنباسارى قايرات بيەكەنوۆ.
"بۇگىن ءبىز ماركانى اينالىمعا ەنگىزدىك. ەرتەڭنەن باستاپ ءبىزدىڭ كليەنتتەردىڭ كونۆەرتتەرىمەن بۇل ماركالار الەمنىڭ تۇكپىر-تۇكپىرىنە تارايتىن بولادى", دەپ اتاپ ءوتتى MS-Kazpost ديرەكتورى ەركىنبەك دوسقۇجانوۆ.
ەستەرىڭىزگە سالا كەتسەك, 16 قاراشا كۇنى وليمپيادا جەڭىمپازدارىنا ارنالىپ پوشتا ماركالارى شىققان بولاتىن.