حالىقارالىق ساراپشىلار قازاقستاننىڭ اۋىل شارۋاشىلىعى سالاسىنداعى بولاشاعى زور دەپ ەسەپتەيدى. بۇل تۋرالى بۇگىن الماتىدا ءوتىپ جاتقان «Almaty invest-2016» حالىقارالىق فورۋمى بارىسىندا ەۋروپا ساۋدا ينستيتۋتى, ەۋروپا رەتەيل اكادەمياسىنىڭ جەتەكشىسى برەند حالليەر "قازاقپاراتقا"بەرگەن سۇحباتىندا اتاپ ءوتتى.
حالليەر مىرزا قازاقستانعا ينۆەستيتسيانى تاماق ونەركاسىبى مەن لوگيستيكاعا سالعان ءتيىمدى دەپ ەسەپتەيدى. سونىمەن قاتار, ساراپشى ورگانيكالىق ونىمدەر ءوندىرۋ, تابيعي, ەكولوگيالىق تازا تاماق ءوندىرىسى, الما, كۇرىش, تاعى باسقا دا قازاقستان بەرە الاتىن اۋىل شارۋاشىلىعى ونەركاسىبى ينۆەستورلار ءۇشىن تارتىمدى بولاتىنىن جەتكىزدى. "مەنىڭشە, اۋىل شارۋاشىلىعى سالاسىندا قازاقستاننىڭ بولاشاعى زور, سوندىقتان, اۋىل شارۋاشىلىعى جوبالارىن دامىتۋعا ءمان بەرۋ كەرەك. سىزدەردىڭ ەلدەرىڭىزدىڭ الەمدەگى ءىرى اگرومادەني كلاستەرگە اينالۋعا الەۋەتى جەتەرلىك", - دەدى برەند حالليەر.
سونىمەن قاتار ول قازاقستاندى استانا, بايقوڭىر ارقىلى تانيتىنىن, ودان دا تانىمال بولۋ ءۇشىن شەتەل باق-تارىنا ءجيى جاريالانۋ كەرەك دەپ ويلايتىنىن ايتتى.
ايتا كەتەيىك, بەرند حالليەر فورۋمنىڭ پانەلدىك تالقىلاۋىندا قازاقستاندا حالىقارالىق ۋنيۆەرسيتەت قۇرۋعا مۇددەلى ەكەنىن جەتكىزدى. ول جوو قازاقستان, تاجىكستان, قىرعىزستان تۋرالى باياندامالار جاساپ, ناقتى اقپاراتتار ۇسىنۋمەن اينالىسپاق.