سونىڭ ىشىندە بۇعان دەيىنگى جۇرگىزىلگەن شوقتىعى بيىك يگى ءىستىڭ ءبىرى – ولاردىڭ العا بالالار ءۇيىنىڭ تاربيەلەنۋشىلەرىنە ارناپ قايىرىمدىلىق شارالارىن ۇيىمداستىرعانى بولىپ وتىر. ءتارتىپ ساقشىلارى بالالارعا ارنايى سىيلىقتار تاپسىرىپ, ماتەريالدىق كومەك كورسەتتى.
«سۋ اناسى – بۇلاق بولسا, ىستەردىڭ ەڭ ىزگىسى – قايىرىمدىلىق. ءبىز «جەتىم كورسەڭ, جەبەي ءجۇر» دەگەن حالقىمىزدىڭ دانالىق قاعيداتىن بەرىك ۇستانا بىلگەن اعا ۇرپاقتىڭ وكىلىمىز. باقىت دەگەن قاسيەتتى ۇعىمدى اركىم ءار ءتۇرلى ءتۇسىنۋى مۇمكىن. ال ءبىزدىڭ ويىمىزشا وسى بالالاردىڭ جۇزدەرى جارقىن, كوڭىلدەرى شات بولسا, باقىت دەگەنىمىز سول بولماق», دەدى گازەت تىلىشىسىنە جەتىم بالالاردى قاناتتارىنىڭ استىنا الۋعا باستاماشى بولعان اقتوبە وبلىستىق ىشكى ىستەر دەپارتامەنتى باسشىسىنىڭ ءبىرىنشى ورىنباسارى ارىستانعاني زاپپاروۆ.
بۇل ارادا اسىرەسە قايىرىمدىلىق قاعيداتتارىنا سايكەس ناردىڭ جۇگىن ارقالاي بىلگەن ىشكى ىستەر دەپارتامەنتىنە قاراستى كادر ءىسى جونىندەگى باسقارما مەن مارتوك اۋداندىق پوليتسيا ءبولىمىنىڭ جانە زاۋىت, ەلەك پوليتسيا بولىمشەلەرى قىزمەتكەرلەرى جۇرەك جىلۋىن تانىتا بىلگەندەرىن اتاپ كورسەتكەن ءجون.
تەمىر قۇسايىن, «ەگەمەن قازاقستان»