ايتالىق, بۇگىنگى كۇنى قانت ديابەتى دەرتىن ەمدەيتىن ءدارى رەسەي قالاسىندا 8500 تەڭگە تۇراتىن بولسا, اقتوبەدە – 17 000 تەڭگە. ءدارىنىڭ وزگە تۇرلەرىنىڭ دە جاعدايى وسىلاي. سونداي-اق, فارماتسەۆتيكا سالاسىنداعى باعا بەلگىلەۋ ىسىندە ماڭىزدى ءرول اتقاراتىن قۇرىلىمنىڭ ءبىرى – «دارىلىك زاتتارعا ساراپتاما جۇرگىزۋ ۇلتتىق ورتالىعى» رمك بولسا, بۇلار دا قىزمەت باعاسىن شارىقتاتىپ جىبەرگەن. ياعني, بىلتىر وڭىردە انتيگريپپينگە ساراپتاما جۇرگىزۋ 6000 تەڭگە بولسا, قازىر – 70 000 تەڭگە. بۇل دەرەك قىزمەت قۇنى 15 ەسە وسكەنىن كورسەتەدى. ءاسپيريننىڭ جاعدايى دا ءدال وسىلاي.
وكىنىشكە قاراي, قازىرگى كۇنى ونىڭ سەبەپتەرىن ءدال انىقتاۋ مۇمكىن بولماي وتىر. سوندا وڭىردە ءدارى باعاسى وسىنداي شارىقتاعان كۇيىندە قالا بەرە مە؟ ءوڭىر باسشىسى مۇنى رەتتەۋ جولدارىن تابۋعا بولاتىنىن مالىمدەدى. ياعني, ونىڭ تۇجىرىمداۋىنشا, بۇل تۇيتكىلدى دارىلىك زاتتاردى وندىرۋشىدەن ساتىپ الۋشىعا دەيىن قاداعالاۋ جۇيەسىن ەنگىزۋ ارقىلى شەشۋگە بولادى. ءدال وسىنداي جاعدايدا ءدارىنىڭ ناقتى قۇنى بەلگىلى بولماق.
تەمىر قۇسايىن, «ەگەمەن قازاقستان»