استانا كوشەلەرىندە جۇرگىنشىلەر ءۇشىن ۇيالى تەلەفون, پلانشەت سىندى ءتۇرلى گادجەتتەردى تەگىن قۋاتتاندىرۋعا ارنالعان قۇرىلعىلار ورناتىلعانى بەلگىلى. كوكتەگى كۇننەن قۋات ءوندىرىپ, قولىنان قالتافونى تۇسپەيتىن جاندارعا قۋات پەن قۋانىش سىيلايتىن قۇرىلعىلار «استانا» كونتسەرت زالىنىڭ الدىنا قويىلعان.
كۇن باتارەيالارىمەن جابدىقتالعان اۆتونومدى باعاندار مەن ورىندىقتار قورشاعان ورتاعا زيان كەلتىرمەۋ, قۋات ۇنەمدەۋ سىندى زاماناۋي تالاپتارعا تولىق ساي كەلەتىنىمەن ەرەكشەلەنەدى. قولدانۋعا ىڭعايلى بولىپ قانا قويماي, كوشەلەردىڭ كوركىن تولىقتىرىپ تۇرعان قۇرىلعىلار ۆيزۋالدى جاعىنان دا ادەمى جاسالعانىن ايتا كەتۋ كەرەك. قازىرگى تاڭدا كوشە بويىنداعى ورىندىقتارعا وتىرىپ, باعانالاردىڭ جانىنا ءيىرىلىپ, قالتافونىن قۋاتتاندىرىپ تۇرعانداردىڭ قاراسى كوپ.
سۋرەتتەردى تۇسىرگەن ەرلان وماروۆ, «ەگەمەن قازاقستان»