«كاتونقاراعايدىڭ داستارقانىنان جارمەڭكەگە كەلگەن جۇرتتىڭ بارلىعى ءدام تاتتى. سونىمەن قاتار, قالا تۇرعىندارى اراسىندا التى قۇتىداعى 5 ليترلىك كۇنباعىس مايىن كوتەرۋدەن سايىس ۇيىمداستىردىق. اۋدان مەكتەپتەرى جانىنداعى ساياجايلاردا وقۋشىلاردىڭ ءوز قولىمەن وسىرگەن باۋ-باقشا ونىمدەرى دە ساۋداعا شىعارىلدى», دەيدى كاتونقاراعاي اۋداندىق ىشكى ساياسات ءبولىمى باسشىسىنىڭ مىندەتىن اتقارۋشى جانار قانافينا.
جارمەڭكەدە اۋدان برەندتەرىنىڭ ءبىرى سانالاتىن بال ونىمدەرىنە سۇرانىس ەرەكشە بولدى. اۋدان اكىمى احمەتقالي نۇرعوجين بىلتىر «كاتونقاراعاي ءشارباتى» دەپ اتالاتىن اۋىلشارۋاشىلىق وندىرىستىك كووپەراتيۆى قۇرىلىپ, وعان اۋدانداعى 30 ومارتاشىنىڭ بىرىككەنىن, بۇگىندە بال ونىمدەرىن قىتايعا ەكسپورتقا شىعارۋ ماقساتىندا ءتيىستى جۇمىستاردىڭ جۇرگىزىلىپ جاتقانىن ايتتى.
ءبىر مىسال ايتايىن, جاڭا زەلانديانىڭ بالىنىڭ ءبىر كەلىسى 5 مىڭ دوللار تۇرادى. كوردىڭىزدەر مە, ولار برەند دەڭگەيىنە دەيىن كوتەرگەن. الگى بالدىڭ ءدامىن تاتىپ كوردىم, ءبىزدىڭ كاتونقاراعايدىڭ بالى ودان الدەقايدا ارتىق. سوندىقتان, ءبىز بالدى جاڭا تەحنولوگيالارمەن وندىرۋگە تەزدەتىپ كوشۋىمىز كەرەك», دەيدى وبلىستىق ءماسليحاتتىڭ دەپۋتاتى ۇلىقبەك تۇماشينوۆ.
ازامات قاسىم, «ەگەمەن قازاقستان»
وسكەمەن سۋرەتتى تۇسىرگەن عىلىمبەك ءسابيتوۆ