«2007 جىلدان باقىت تۇرسىن ۇلى تىكەلەي ءوزىنىڭ باستاماسىمەن «سىن» ادەبي-سىن جۋرنالىنىڭ نەگىزىن قالاپ, وسى باسىلىمعا باسشىلىق ەتىپ كەلەدى. قالامگەردىڭ «قىزىل الما» ادەبي-سىن ماقالالارىنىڭ جيناعى, «ەل مەن ەلباسى» اتتى كىتاپتارى شىقتى. «اقيقات الدىندا», «وتكىردىڭ ءجۇزى», «جيىرما بەس», «بەس مۇشەل», «شاندوز ءسوزدىڭ شاھى» سەكىلدى ادەبي-سىن ەڭبەكتەرى وقىرمان قاۋىم تاراپىنان جوعارى دارەجەدە باعالاندى. وسى ورايدا ءبىر توقتالاتىن جايت, قىزىلوردا وبلىسى اكىمدىگىنىڭ قولداۋىمەن شىققان كوپتومدىق «سىرداريا كىتاپحاناسى» سەرياسىمەن قالامگەردىڭ «كوككەسەنە» ادەبي-سىن كىتابى جارىققا شىقتى. باقىت تۇرسىن ۇلىنىڭ ادەبيەت الەمىندەگى ولشەۋسىز ەڭبەگىن قاسيەتتى قاراتاۋ مەن كيەلى سىر توپىراعىنىڭ جۇرتشىلىعى ارقاشان ماقتان تۇتادى», دەگەن ايماق باسشىسى مەرەيتوي يەسىنە قىزىلوردا وبلىسىنىڭ قۇرمەت گراموتاسىن تابىس ەتىپ, يىعىنا شاپان جاپتى.
سونداي-اق, مەرەيتوي يەسىن فيلولوگيا عىلىمدارىنىڭ دوكتورى, پروفەسسور قۇلبەك ەرگوبەك قۇتتىقتادى. ءوز كەزەگىندە ب.ساربالاەۆ ىستىق ىقىلاسىن بىلدىرگەن جەرلەستەرىنە ريزاشىلىعىن جەتكىزدى.
ادەبيەت سىنشىسى قىزىلوردادا ەكى كۇن بولادى. ءا.تاجىباەۆ اتىنداعى وبلىستىق امبەباپ كىتاپحانادا «تالماس تالانت يەسى» اتتى شىعارماشىلىق كەشى ءوتتى, ال 16 مامىردا قالامگەردىڭ قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ جانە «بولاشاق» ۋنيۆەرسيتەتىنىڭ ستۋدەنتتەرىمەن كەزدەسۋى جوسپارلانعان.