ەكى جاقتى كەزدەسۋگە بونن ۋنيۆەرسيتەتىنىڭ پروفەسسورى شتەفان كۋرتسمان, كۇن ەنەرگەتيكاسى ينستيتۋتىنىڭ ديرەكتورى ۋلف گەرمان, كۇن ەنەرگەتيكاسى ينستيتۋتىنىڭ جاڭعىرمالى ەنەرگيا كوزدەرى دەپارتامەنتىنىڭ باسشىسى كريشتيانۋ بوۋران مەن م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ اعا وقىتۋشى, پروفەسسورلارى قاتىستى. وندا قوس تاراپ گەرمانيا مەملەكەتىنىڭ يۋليح قالاسىنداعى كۇن ەنەرگەتيكاسى ينستيتۋتىنىڭ ارنايى جوباسىن وڭتۇستىك قازاقستان وبلىسىندا جۇزەگە اسىرۋ جايىن تالقىلادى. سونىمەن قاتار, پروفەسسور ش.كۋرتسمان م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى مەن گەرمانيا مەملەكەتىنىڭ يۋليح قالاسىنداعى كۇن ەنەرگەتيكاسى ينستيتۋتى اراسىندا تىعىز قارىم-قاتىناس ورناتىلىپ, ەنەرگەتيكا سالاسىندا يننوۆاتسيالىق جاڭا تەحنولوگيالاردى دامىتۋ باعىتىندا بىرقاتار عىلىمي-زەرتتەۋ جۇمىستارى جۇرگىزىلىپ جاتقانىن ءمالىم ەتتى. جوعارىدا اتالعان بىرلەسكەن جوبانىڭ نەگىزگى ماقساتى ارنايى جىلجىمالى قوندىرعىلار ورناتۋ ارقىلى قازاقستاننىڭ شالعايدا تۇراتىن فەرمەرلەر مەن مال شارۋاشىلىعىمەن اينالىساتىن شاعىن بيزنەس وكىلدەرىن ەلەكتر ەنەرگيا جانە اۋىز سۋمەن قامتاماسىز ەتۋ بولىپ تابىلادى. بۇل ارنايى جىلجىمالى قوندىرعى كوبىنەسە كۇن ەنەرگياسىن پايدالانۋ ارقىلى جۇمىس ىستەي الادى. جوبا ناقتى زەرتتەلىپ قوندىرعىلار وبلىسىمىزعا ورناتىلاتىن جاعدايدا, قوسىمشا جۇمىس ورىندارى اشىلادى. ەكى ەل ۋنيۆەرسيتەتىنە ورتاق زەرتتەۋ جوباسى بولىپ تابىلاتىن يننوۆاتسيالىق جاڭا تەحنولوگيالاردى دامىتۋ گفر ءبىلىم مينيسترلىگى جاعىنان قارجىلاندىرىلادى. كەزدەسۋ بارىسىندا جاقىپ قۇتتىبەك ۇلى اتالعان جوبانىڭ اسا قاجەت ەكەنىن اتاپ ءوتىپ, وبلىس تاراپىنان گەرمانيالىق دەلەگاتتارعا جان-جاقتى قولداۋ كورسەتىلەتىنىن جەتكىزدى.
وقو-دا جىلجىمالى ەلەكتر ەنەرگياسىنىڭ قوندىرعىسى ورناتىلماق
151 رەت
كورسەتىلدى
وڭتۇستىك قازاقستان وبلىسىنىڭ شالعايداعى ەلدى مەكەنىندە ورنالاسقان شارۋا قوجالىقتاردى ەلەكتر ەنەرگياسى جانە اۋىز سۋمەن قامتاماسىز ەتۋ ماقساتىندا وبلىس اكىمىنىڭ ورىنباسارى جاقىپ بوكەنباەۆ گەرمانيالىق پروفەسسورلارمەن كەزدەستى, دەپ حابارلايدى ايماق باسشىسىنىڭ ءباسپاسوز قىزمەتى.