جارامسىز جىلۋ قازاندىعىنىڭ كوك تىرەگەن مۇرجاسى 1962 جىلى سالىنعان ەكەن. 2003 جىلى اتالعان مۇرجا جارامسىز دەپ تابىلعان. سونى قۇلاتۋ بارىسىندا تۇراق باقانوۆ ەسىمدى ازامات ءۇيىندىنىڭ استىندا قالىپ قويىپ, قازا تاپتى. ال رىسقۇل ايتقۇلوۆ جاراقات الدى.
«نەگىزگى مەردىگەر «ابك قۇرىلىس» كومپانياسى بولاتىن. «التىن لتد» سەرىكتەستىگى قوسىمشا مەردىگەر بولىپ كىرىسكەن. مۇرجانىڭ اينالاسىندا «قىزىلوردا جىلۋ ەلەكتر ورتالىعى» مەكەمەسىنىڭ بىرنەشە عيماراتى بولعاندىقتان, وندا ادامدار قىزمەت ەتەتىندىكتەن اتالمىش جۇمىستى جەكسەنبى كۇنى جاسايىق دەگەن شەشىمگە كەلدىك. ويتكەنى قىزمەتكەرلەردىڭ قاۋىپسىزدىگىن ساقتاۋىمىز كەرەك. بارلىق جۇمىس جوسپار بويىنشا ىسكە استى. وقيعا ورنىندا ءۇش ادام جۇمىس ىستەدى. بىراق مۇرجا قۇلاعان كەزدە ءبىر ادام ءۇيىندى استىندا قالىپ قويدى. ەكىنشىسى جاراقات الدى. قازىر وسى ىسكە بايلانىستى قىلمىستىق ءىس قوزعالدى. ماسەلەنىڭ ءمان-جايى ءالى دە انىقتالادى», دەدى «قىزىلوردا جىلۋ ورتالىعى» مەكەمەسىنىڭ ديرەكتورى باۋىرجان مادرايىموۆ.
«وقيعا ورنىنا قىزىلوردا وبلىسى تجد جەدەل توبىنىڭ تەحنيكاسى مەن قىزمەتكەرلەرى, وڭتۇستىك ايماقتىق اەروموبيلدى وپەراتيۆتى-قۇتقارۋ وتريادى, ءورت ءسوندىرۋ قىزمەتى مەن قىزىلوردا وبلىسى تجد اپاتتى-قۇتقارۋ قىزمەتكەرلەرى جۇمىلدىرىلدى. 60-قا جۋىق قۇتقارۋشى مەن 10 تەحنيكا, 2 كينولوگيالىق ەسەپ جۇمىس جۇرگىزدى», دەيدى وبلىستىق تجد توتەنشە جاعدايلاردى جويۋ ءبولىمىنىڭ باسشىسى باقتيار تۇرمانوۆ.
ال «التىن لتد» سەرىكتەستىگىنىڭ بريگاديرى مولداعالي ولجاعۇلوۆ قازا بولعان تۇراق باقانوۆتىڭ وتباسىنا بارلىق كومەك كورسەتىلەتىنىن, ال رىسبەك ايتقۇلوۆتىڭ جاعدايى ءبىر قالىپتى ەكەنىن ايتادى. «مۇنداي توسىن وقيعادان ەشكىم ساقتاندىرىلماعان عوي. بارلىعى ويلاماعان جەردەن بولدى»,– دەيدى ول.
ەرجان بايتىلەس, «ەگەمەن قازاقستان»