ولار پەتروپاۆل قالاسىنا جاقىن ەسىل وزەنى جانە ودان تومەن رەسەي فەدەراتسياسى تۇمەن وبلىسىنا دەيىنگى وزەن القابىندا ورنالاسقان ەلدى مەكەندەردەگى سۋ تاسقىنىنان زارداپ شەككەن ايماقتاردى تىكۇشاقپەن ارالاپ شىقتى.
بۇگىندە وڭىردە سۋ اپاتى زاردابىن بارىنشا ازايتۋ بويىنشا ۇكىمەت جانە جەرگىلىكتى بيلىك تاراپىنان كەشەندى شارالار جۇرگىزىلۋدە. 61 ەلدى مەكەندە 49 شاقىرىمعا جۋىق جەردىڭ بوگەتتەرى نىعايتىلدى, 18 شاقىرىمعا جۋىق سۋ بۇرعىش كانالدار قازىلدى. ينجەنەرلىك جۇمىستاردى جۇرگىزۋ, سونداي-اق, سۋ وتكەلدەرى ارقىلى ادام جانە ازىق-ت ۇلىك تاسىمالداۋ, ەسىل وزەنىندەگى سۋ دەڭگەيىن باقىلاۋ جۇمىستارىنا 2007 ادام, 394 بىرلىك تەحنيكا جانە 23 ءجۇزۋ قۇرالدارى, 94 موتوپومپا, سونداي-اق توتەنشە جاعدايلار كوميسسياسى كۇشتەرى مەن قۇرالدارى, استانا جانە الماتى قالالارىنان 3 جەدەل-قۇتقارۋ توپتارى جۇمىلدىرىلدى.
سۋ العان ەلدى مەكەندەردەگى ادام تاسىمالى, سۋ باسقان اۋماقتاردى تازالاۋ, ەسىل وزەنىندەگى سۋ دەڭگەيى تۇراقتى باقىلاۋعا الىندى.
ۆيتسە-مينيستر قارعىن سۋدان زارداپ شەككەن وتباسىلاردىڭ بارىنە كومەك كورسەتىلەتىنىن اتاپ كورسەتتى.
ءومىر ەسقالي «ەگەمەن قازاقستان»