«قىستىڭ قاقاعان سۋىعىندا اتا-انامىز مالعا جەم-ءشوپ بەرىپ, قينالىپ جۇرگەنىن كورگەندە ولارعا كومەكتەسكىمىز كەلدى. سوندىقتان, وسىنداي قۇلتەمىردى جاساپ شىعاردىق. بۇل قۇرىلعى, اسىرەسە, جاسى ۇلكەن, جاردەمگە مۇقتاج ادامدارعا سەپتىگىن تيگىزەدى دەپ ويلايمىز», دەگەن ول بولاشاقتا روبوتتى ودان ءارى جەتىلدىرىپ, كولەمىن دە ۇلعايتۋدى جوسپارلاپ وتىرعاندارىن جەتكىزدى. قازىر اتالعان مەكتەپ-ليتسەيدە 12 روبوت بار ەكەن. ءبىلىم ورداسى ديرەكتورىنىڭ وقۋ ءىسى جونىندەگى ورىنباسارى انار سادىبەكوۆا مەكتەپتە جاڭا وقۋ جىلىنان باستاپ 5-11 سىنىپ وقۋشىلارىنا روبوت تەحنيكاسى ءپانى اپتاسىنا ءبىر رەت وقىتىلىپ جاتقانىن تىلگە تيەك ەتتى. بۇدان بولەك روبوت تەحنيكاسى دەگەن ارنايى بولمە بار. مۇنداعى ون ەكى روبوتتىڭ بەسەۋىنىڭ قۇرىلعىلارىن سەمەيدەگى شاكارىم اتىنداعى مەملەكەتتىك ۋنيۆەرسيتەتتىڭ باسشىلىعى تارتۋ ەتىپتى. قالعان التاۋى اۋدان اكىمدىگىنىڭ قولداۋىمەن ساتىپ الىنعان. مۇنداي كابينەت ازىرگە اباي اۋدانىندا وسى مەكتەپ-ليتسەيدە عانا اشىلعان.
ازامات قاسىم, «ەگەمەن قازاقستان»
شىعىس قازاقستان وبلىسى, اباي اۋدانى