وسىعان وراي, وبلىستىڭ اۋىل شارۋاشىلىعى تاۋار وندىرۋشىلەرى قۇنى 135,6 ملن تەڭگە بولاتىن 262 توننا كوكونىس كەرۋەنىن استاناعا جونەلتتى. ونىڭ ىشىندە جىلقى ەتى – 22 توننا, كۇركە تاۋىق ەتى – 15 توننا, ۇن ونىمدەرى – 10 توننا, قىزاناق – 71 توننا, قيار – 71 توننا, ءسۇت ونىمدەرى – 7 توننا, شۇجىق ونىمدەرى – 3 توننا, بالىق ونىمدەرى – 3 توننا, قىمىران – 1 توننا, 10 مىڭ دانا جۇمىرتقا بار.
«ساياسي ماڭىزى بار شارانى جوعارى دەڭگەيدە وتكىزۋگە ەلىمىزدىڭ بارلىق وبلىستارى قىزۋ دايىندالىپ جاتىر. وڭتۇستىك وڭىرى دە وز ۇلەسىن قوسۋدا. مىنا بۇگىنگى شارا سونىڭ ايقىن دالەلى. ەكسپو كورمەسىنە وڭتۇستىكتىڭ شارۋالارى العاشقى ونىمدەرىن جونەلتىپ وتىر. ونىمدەردى استاناعا جەتكىزۋ ءۇشىن توڭازىتقىشتارمەن قامتىلعان 25 كولىك ساقاداي ساي تۇر», دەدى وبلىس اكىمىنىڭ ورىنباسارى باۋىرجان جامالوۆ.
وڭتۇستىك قازاقستان وبلىسى ەكسپو كورمەسى اياسىندا 6 رەت جارمەڭكە وتكىزەدى. وسى ارالىقتا وڭتۇستىكتىڭ شارۋالارى اۋىل شارۋاشىلىعى ونىمدەرىنىڭ 28 تۇرىنەن 12 مىڭ 976 توننا تاۋار جونەلتەدى. بۇل ماقساتتا وبلىستان 35 ءىرى جانە قوسالقى شارۋا قوجالىقتارى مەن كاسىپورىندارى ىرىكتەلىپ الىنعان.
ايتا كەتەيىك, وتاندىق ونىمدەرىمىز قالا تۇرعىندارى مەن قوناقتارعا جارمەڭكە تۇرىندە ۇسىنىلاتىن بولادى.