قورعانىس جانە اەروعارىش ونەركاسىبى ۆيتسە-ءمينيسترى مارات نۇرعوجيننىڭ توراعالىعىمەن جوعارى تەحنولوگيالاردى قولدانا وتىرىپ, قازاقستان رەسپۋبليكاسى قارۋلى كۇشتەرىنىڭ بولىمدەرى مەن جەكە قۇرامىنىڭ جاۋىنگەرلىك كەرەك-جاراعىن جاساقتاۋ جونىندە باعدارلاما ازىرلەۋ ماسەلەسى بويىنشا ءماجىلىس وتكەن بولاتىن. ءىس-شاراعا قورعانىس, ىشكى ىستەر مينيسترلىكتەرىنىڭ جانە «قازاقستان ينجينيرينگ» ۇك» اق-تىڭ وكىلدەرى دە قاتىستى. قازىرگى ۋاقىتتا «بولاشاق ساربازى» ۇلگىسىندەگى كەرەك-جاراق جيىنتىعىنا الەمنىڭ 50-دەن استام ەلىنىڭ ارمياسى يە بولعانىن اتاپ وتكەن ءجون. ماسەلەن, رەسەيدە قورعاۋدىڭ زاماناۋي قۇرالدارى كەشەنىن, بايلانىس, باقىلاۋ جانە كوزدەۋ, قارۋ-جاراق جانە وق-ءدارى قۇرالدارى كەشەنىن بىلدىرەتىن «راتنيك» جاۋىنگەرلىك جيىنتىعىمەن قارۋلى كۇشتەردى جابدىقتاۋ جونىندەگى جۇمىستار جۇرگىزىلۋدە. وسى جيىنتىق جاۋىنگەرلىك تيىمدىلىك پەن ۇرىس الاڭىندا جەكە سولداتتىڭ ءتىرى قالۋىن ەداۋىر ارتتىرۋعا مۇمكىندىك بەرەدى. ء«بىز ۋاقىتتىڭ اعىمىنان قالماي, عىلىم مەن تەحنيكا سالاسىنداعى سوڭعى جەتىستىكتەردى پايدالانۋ ەسەبىنەن اسكەري قىزمەتشىلەردىڭ تيىمدىلىگىن ارتتىرۋعا ارنالعان ءوزىمىزدىڭ باعدارلاما قاجەت دەپ ەسەپتەيمىز. بۇل رەتتە, ءبىز ءوزىمىزدىڭ وتاندىق كاسىپورىنداردىڭ الەۋەتىن بارىنشا ۇتىمدى پايدالانۋىمىز قاجەت», − دەپ اتاپ ءوتتى ۆيتسە-مينيستر.
قورعانىس جانە اەروعارىش ونەركاسىبى مينيسترلىگىندە «بولاشاق ساربازى» جوباسىنىڭ كەلەشەگى تالقىلاندى, دەپ حابارلادى قورعانىس جانە اەروعارىش ونەركاسىبى مينيسترلىگىنىڭ ءباسپاسوز قىزمەتى.