قازاقستان رەسپۋبليكاسىنىڭ پرەزيدەنتى ن.ءا. نازارباەۆتىڭ 2010 جىلى 7 جەلتوقساندا بەكىتكەن قاۋلىسىندا (2011-2020 ج.ج. قازاقستان رەسپۋبليكاسىنىڭ ءبىلىم بەرۋ مەملەكەتتىك باعدارلاماسىنىڭ دامۋى) ءبىلىم بەرۋدىڭ باسەكەلەستىگىن كوتەرۋ, ەكونوميكانى نىعايتۋ جانە ساپالى بىلىمگە قول جەتكىزۋ مۇمكىندىگىن قامتاماسىز ەتۋ ءۇشىن ادام قابىلەتىن دامىتۋ ماقساتتارى قويىلعان.
وسىنداي ەلدىك ءىستى جۇزەگە اسىرۋدا جاڭا ۇدەرىستەر كوشباسشىسى بولاتىن ۋنيۆەرسيتەتتەرگە ۇلكەن ءرول جۇكتەلگەن. قازىرگى كەزدە قازاقستاندا ءبىلىم بەرۋ جانە عىلىمي-وندىرىستىك كەشەندەر بولىپ سانالاتىن عىلىمي-زەرتتەۋ جانە يننوۆاتسيالىق ۋنيۆەرسيتەتتەردى دامىتۋ اسا قاجەت. عىلىم, ءوندىرىس پەن ءبىلىم بەرۋدى نىعايتاتىن جوعارى وقۋ ورنىنا اينالۋ – بارلىق قازاقستاندىق ۋنيۆەرسيتەتتەردىڭ ماقساتى, سولاردىڭ قاتارىندا وسى وقۋ جىلىندا عىلىم مەن ءبىلىم الەمىنە قادام باسقان «استانا» ۋنيۆەرسيتەتى دە بار.
«استانا» ۋنيۆەرسيتەتى – سالالىق جوعارى ءبىلىم بەرۋ جانە عىلىمي-زەرتتەۋ مەكەمەسى, ۇزدىك كاسىبي ءبىلىم بەرۋ جۇيەسى قالىپتاسقان.
ۋنيۆەرسيتەتتە بەس فاكۋلتەت بار: زاڭ, مۇناي جانە گاز, ەكونوميكالىق, شەتەل تىلدەرى, حالىقارالىق قاتىناستار جانە گۋمانيتارلىق.
«استانا» ۋنيۆەرسيتەتى باكالاۆرلاردى 16 ماماندىق بويىنشا دايىندايدى: «زاڭتانۋ», «قۇقىق قورعاۋشى قىزمەتى», «حالىقارالىق قۇقىق», «ەكونوميكا جانە قۇقىق نەگىزدەرى», «مۇناي جانە گاز ءىسى», «ەكونوميكا», «مەنەدجمەنت», «قارجى», «ەسەپ جانە اۋديت», «شەت ءتىلى: ەكى شەت ءتىلى», «اۋدارما ءىسى», «حالىقارالىق قاتىناستار», «مەكتەپكە دەيىنگى وقۋ جانە ءتاربيەلەۋ», «باستاپقى ءبىلىم بەرەتىن پەداگوگيكاسى مەن ءادىستەمەسى», «پەداگوگيكا مەن پسيحولوگيا», «قا-زاق ءتىلى مەن ادەبيەتى» جانە 7 ماماندىق بويىنشا ماگيسترلاردى: «زاڭتانۋ», «حالىقارالىق قۇقىق», «مۇناي جانە گاز ءىسى», «ەكونوميكا», «قارجى», «شەت ءتىلى: ەكى شەت ءتىلى», «حالىقارالىق قاتىناستار».
«استانا» ۋنيۆەرسيتەتىندە تەك قانا عىلىم دوكتورلارى مەن كانديداتتارى قىزمەت ەتەدى. ۋنيۆەرسيتەتتە جۇمىس ىستەپ جاتقان تانىمال عالىمدار قاتارىنا زاڭ عىلىمدارىنىڭ دوكتورلارى ە.ب. ابدراسۋلوۆتى, ا.ت. اششەۋلوۆتى, م.س. باشيموۆتى, ا.ش. ەششانوۆتى, م.ا. ءسارسەمباەۆتى, ا.س. سماندى, ا.ا. تەمىربەكوۆتى; تەحنيكا عىلىمدارىنىڭ دوكتورلارى ج.ب. بايناتوۆتى, ل.ۆ. ۆورونينانى, ا.د. شىنىباەۆتى, ەكونوميكا عىلىمدارىنىڭ دوكتورلارى ك.ت. الەنوۆانى, ج.ا. انافياەۆانى, و.ت. ءتولەمىسوۆتى, گ.ت. شاكۋليكاۆانى; فيلولوگيا عىلىمدارىنىڭ دوكتورلارى ج.ءا. ءابۋوۆتى, ت.ا. اياپوۆانى; پەداگوگيكا عىلىمدارىنىڭ دوكتورلارى ك.ر. قالكەەۆانى, پ.ب. سەيتقازىنى جانە تاعى باسقالاردى جاتقىزۋعا بولادى.
«استانا» ۋنيۆەرسيتەتى العاشقى ساتتەن باستاپ جوعارى دەڭگەيدەگى بىلىكتى مامانداردى دايىنداۋعا باعىتتالعان, وسى ماقساتپەن بايلانىستى وتاندىق جانە شەتەلدىك جوعارى وقۋ ورىندارىمەن, مەملەكەتتىك بيلىك ورگاندارىمەن, كاسىبي بىرلەستىكتەرمەن بىرىگىپ قىزمەت ەتەدى.
ەلىمىزدىڭ يندۋستريالىق-يننوۆاتسيالىق قاجەتتىلىكتەرىنە ساي كەلەتىن جوعارى ساپالى مامانداردى دايىنداۋ – «استانا» ۋنيۆەرسيتەتىنىڭ ماقساتى.
«استانا» ۋنيۆەرسيتەتى:
• زاڭتانۋ, مۇناي جانە گاز, شەتەل تىلدەرى جانە گۋمانيتارلىق عىلىمدار سالاسىنداعى ءتاجىريبەلى عالىمدار مەن وقىتۋشىلار;
• قازاقستاندا جانە شەتەلدەگى ساپالى ءتاجىريبە ورىندارى;
• جارقىن ستۋدەنتتىك ءومىر;
• جۇمىسقا ورنالاسۋدىڭ شىنايى مۇمكىندىكتەرى;
• جاھاندىق ينتەراكتيۆتىك كەڭىستىك;
• ستۋدەنتتەردى الەۋمەتتىك قولداۋ;
• ۋنيۆەرسيتەتتىڭ ءوز گرانتتارىن الۋ ءمۇمكىندىگى.
«استانا» ۋنيۆەرسيتەتى جوعارى وقۋ مەكەمەسى رەتىندە ستۋدەنتتەرگە بولاشاقتا ءساتتى قادام جاساۋىنا جانە ۇلكەن جەتىستىكتەرگە جەتۋىنە بارلىق مۇمكىندىك جاسايدى.
ەركىن وڭعارباەۆ, «استانا» ۋنيۆەرسيتەتىنىڭ رەكتورى, زاڭ عىلىمدارىنىڭ دوكتورى, پروفەسسور.