قاسيەتتى رامازان ايىندا «مەمساراپتاما» رمك ۇجىمى استاناداعى مامانداندىرىلعان بالالار ۇيىندە ءتاربيەلەنەتىن جەتىم بالالار ءۇشىن قايىرىمدىلىق اكتسياسىن ۇيىمداستىردى. قىزمەتكەرلەر وزدەرى جيناعان قارجىعا بوبەكتەر ءۇيىنىڭ تاربيەلەنۋشىلەرىنە ارناپ بالالار تاعامدارى مەن شىرىندار, سۋ وتكىزبەيتىن جايالىقتار ساتىپ الدى.
رامازان – مەيىرىمدىلىك ايى. اسىرەسە مۇقتاجدارعا, ونىڭ ىشىندە جەتىمدەر مەن اۋىر ناۋقاستارعا كومەك كورسەتۋ ىسىنە ەرەكشە ماڭىز بەرىلەدى. استانالىق بوبەكتەر ۇيىندەگى تۋعانىنان باستاپ 4 جاسقا دەيىنگى 70 بالانىڭ 30 پايىزعا جۋىعى اقىل-وي جانە دەنە دامۋىندا كەمىستىكتەرى بار مۇگەدەكتەر. مەكەمە قىزمەتشىلەرىنىڭ ايتۋلارىنشا, دەنى ساۋ بالالاردى اسىراپ الۋشىلار بىردەن تابىلا كەتەتىن كورىنەدى. ال دەنساۋلىقتارىندا پروبلەمالارى بار ءبۇلدىرشىندەر بولسا, كوبىنە-كوپ وسى جەردە قالىپ جاتادى. سوندىقتان كورسەتىلگەن قايىرىمدىلىق پەن مەيىرىمنىڭ بوبەكتەر بويىندا جۇرت بىزگە نەمقۇرايدى قارامايدى دەگەن سەنىم وياتۋى مۇمكىن-اۋ دەگەن ءۇمىت تە جوق ەمەس.
«ەگەمەن-اقپارات».