اكتسيا وبلىستاردا دا جالعاستى

«نۇروتان» حدپ اقتوبە وب­لىستىق في­­ليا­لى­نىڭ ۇي­ىت­قى بو­لۋىمەن «بيز­نەس­تىڭ جول كارتا­سى-2020» باعدارلا­ما­سىن جۇزەگە اسىرۋعا باي­­­لانىستى بىرىڭعاي قا­بىلداۋ كۇنى وتكىزىلدى. ونىڭ ماق­ساتى – مەم­لەكەتتىك قول­داۋعا يە بولۋ ءمۇم­كىندىكتەرى بار كاسىپكەر ازامات­تار­دىڭ وزەكتى ءما­سەلەلەرىن جەرگىلىكتى بيلىككە جەتكىزۋ, نەسيە الۋ ءۇشىن ەكىنشى دەڭ­گەي­دەگى بانك باسشىل­ا­رى­مەن بەت­پە-بەت جۇزدە­س­تىرۋ, شا­عىن جانە ورتا بيزنەسكە قاتىسى بار باسقار­مالار باس­شى­لارىنان تەگىن كەڭەس الۋعا جاعداي تۋعىزۋ, دامۋ ينس­تي­تۋتتارى وكىلدە­رى­مەن ەر­كىن پىكىر الىسۋ الاڭىن ۇسىنۋ, وسى باع­دار­لاما بويىنشا قانداي كومەك بولاتىنىنان جانە نەسيە الۋعا قانداي كەپىلدىكتەر جارام­دى ەكەنىنەن حاباردار ەتۋ. پارتيانىڭ وبلىستىق فيليا­لى قوعامدىق قابىلداۋ ءبولىمىنىڭ مەڭگەرۋشىسى امانگەلدى مەكتەپ­باەۆتىڭ ايتۋىنشا, وتكەن جىلى وسىنداي اكتسيا كەزىندە قابىلداۋ­عا كەلگەن 22 ازاماتتىڭ 15-ءىنىڭ ءما­سەلەسى وڭ شەشىمىن تاپسا, بۇل جولى كاسىپكەرلىككە جانە باسقا ساۋالدارمەن كەلگەن 25 ازاماتتىڭ باسىم بولىگى وزدەرىن تولعانتقان ماسەلەلەر بويىنشا ناقتى جاۋاپتار الدى, بىرقاتارىنىڭ ماسەلەسى وڭ شەشىمىن تاپتى. بىرىڭعاي قابىلداۋ كۇنىنە قاتىسۋشىلارعا وبلىس اكىمىنىڭ ورىنباسارى روزا كەمالوۆا باستاعان جەرگىلىكتى بيلىك وكىلدەرى تولىققاندى جاۋاپ, ناقتى مالىمەت, كەڭەس بەردى. ساتىبالدى ءساۋىرباي, اقتوبە وبلىسى.