لوندوندا تارتىپسىزدىكتەر جالعاسۋدا

قالانىڭ سولتۇستىگىندە ءتارتىپ بۇزۋشىلار دۇكەندەر مەن عيماراتتاردىڭ تەرەزەلەرىن شاعىپ, جەڭىل اۆتوكولىكتەردى ورتەگەن. سەنبى كۇنگى ورىن العان تارتىپسىزدىكتەر سالدا­رى­نان 26 پوليتسيا قىزمەتكەرى جارالانىپ, 50 ادام تۇتقىن­دال­عان-دى. بريكستون اۋدانىندا جۇزگە تارتا ادامنان قۇرىلعان توپ دۇكەندەردى توناپ, ورتەۋمەن اينالىسقان.

مەموبليگاتسيا ساتىپ الىنۋدا ەۋروپا ورتالىق بانكى جەكسەنبى كۇنگى جەدەل كونسۋلتاتسيالاردان كەيىن يتاليا مەن يسپانيانى دەفولتقا ۇشىراتپاۋ ماقساتىندا ولاردىڭ مەملەكەتتىك وبليگاتسيالارىن ساتىپ الۋ شەشىمىنە توقتالدى. كەشەدەن باستاپ ەوب يتاليا مەن يسپانياداعى قا­رىزدىق مىندەتتەمەلەردى كۇنىنە 2,5 ميلليارد ەۋرو كولەمىندە ساتىپ الىپ, وسى ەلدەردەگى مەملەكەتتىك وبليگاتسيالار رىنو­گىن­داعى جاعدايدى رەتتەپ, قارجىلىق تۇراق­سىز­دىقتان قۇتقارىپ قالماق. ساراپشىلار ەگەر مۇنى جا­ساماعان جاعدايدا, ەۋروايماقتاعى جاعداي ءتىپتى دە ناشار­لايدى دەپ وتىر.

جاپونيادا قارسىلىق شەرۋى ءوتتى جاپونيادا قازىر نەمۋرو قالا­سىندا تۇرىپ جات­قان وڭتۇستىك كۋ­ريل­دىڭ بۇرىنعى تۇرعىندارى شەرۋ وتكىزىپ, ارالدار­دى كەرى قايتارۋ تۋ­رالى تالاپ قوي­دى. اكتسياعا قالا مەرى سيۋنسۋكە حا­سە­گاۆا باستاعان مىڭ­عا تارتا ادام قاتىسقان. حاسەگاۆا ءوز سوزىندە رەسەيلىك باسشىلاردىڭ اتالعان ارال­دارعا ءجيى كەلە باستاعانىنا نارازى ەكەندىگىن جەتكىزە كەلىپ, جاپون ۇكىمەتىنەن تەرريتوريالىق پروبلەمانى ەرتەرەك رەتتەۋدى تالاپ ەتتى. نەگىزىنەن ماسكەۋ مەن توكيو اراسىنداعى شەكارا داۋى 2010 جىلى قاراشادا پرەزيدەنت د.مەدۆەدەۆتىڭ كۋريل ارالدارىنا بارۋىمەن شيەلەنىسىپ كەتكەن-ءدى. رەسەي تىنىق مۇحيت فلوتىن كۇشەيتۋ ءۇشىن فرانتسيادان «ميس­ترال» دەسانتتىق تىكۇشاق تاسىعىشىن ساتىپ العان بولاتىن.

التىن باعاسى ارتۋدا گونكونگ بيرجاسىندا التىننىڭ باعاسى ۋنتسيا­سىنا 1,7 مىڭ دوللارعا دەيىن باردى. جاعدايدىڭ بۇلايشا قالىپتاسۋى الەمدىك قور رىنوگىن­داعى تۇراقسىزدىقتارمەن بايلا­نىس­تى. اقش رەيتينگىنىڭ «ااا»-دان «اا+» دەڭگەيىنە تومەندەپ قا­لۋى وسى ەلگە قارجى سالعانداردى الاڭداتىپ وتىر. S&P رەيتينگ اگەنتتىگى اقش مەملەكەتتىك قارىز دەڭ­گەي­ىن كوتەرەتىن زاڭ جوباسىن قابىلداپ ۇلگەرگەنىنە قاراماس­تان, وسى ەلدىڭ رەيتينگىن تومەندەتكەن بولاتىن. الايدا, اقش قارجى ءمينيسترى تيموتي گايتنەر قۇندى قاعازدارعا ەشتەڭە دە بولمايدى دەگەندى العا تارتۋدا. ونىڭ پايى­مىن­شا, ەل ءوزىنىڭ قارجىلىق مىندەتتەمەلەرىن تولىق اتقارا الادى.

بۇرىنعى پرەمەر قاماۋعا الىندى ۋكراينادا بۇرىنعى پرەمەر-مينيستر يۋليا تيموشەنكونىڭ ۇستىنەن سوت پروتسەسى باستالىپ, ونى قاماۋ تۋرالى شەشىم شىعارىلعان بولاتىن. ەۋ­روپالىق وداق, اقش, ءتىپتى رەسەي تاراپىنان بولعان قارسىلىقتارعا قاراماي, كەشە سوت ونى قاماۋدان شىعارمايتىندىعىن جەتكىزدى. رەسەي مەن ۋكراينا اراسىنداعى كوگىلدىر وتىن كەلىسىم-شارتى داۋى ءالى بىتەر ەمەس. ماسكەۋ تيموشەنكو كەزىندە جاسالعان كەلىسىم-شارت ساقتالۋى ءتيىس دەسە, كيەۆ ءۇشىن گاز باعاسى تىم قىمبات. قارسى جاق وندا «گازپروم» مەن «نافتوگاز» بك قۇرىلۋى كەرەك, سوندا گاز ارزاندايدى دەگەندى العا تارتادى. ۋكراينا پرەزيدەنتى بۇعان جول جوق دەگەندى ايتتى. وسىلايشا يۋ.تيموشەنكو ءىسى بويىنشا سوت پروتسەسى ۇزاققا باراتىن سىڭايلى.

كورول سيريا بيلىگىنە ەسكەرتۋ جاسادى ساۋد ارابياسىنىڭ كورولى ابداللا داماسكىدەگى ەلشىسىن كەرى شا­قىر­تىپ ال­ىپ, سيريا باسشىلىعى قان­تو­گىستى توق­تاتپاسا, بۇل ەلدەگى جاع­داي­دىڭ ساۋد ارا­­بياسى ءۇشىن تەرىس دەپ قا­بىل­دا­نا­تىن­دى­­عىن ءمالىم ەتتى. كو­رول­دىڭ ما­لىم­دەمەسى ءال ارابيا تەلەار­نا­سىنان وقىلدى. سيريا باسشىلىعى كەش بولماي تۇرعان كەزدە جاقسىلاپ ويلانۋى شارت, ايتپەسە, داۋىل كۇشى قۇلاتادى, دەپ ەسكەرتكەن ابداللا بۇنىڭ الدىنداعى ۋادە بەرىلگەن رەفور­ما­لاردىڭ ءىس جۇزىندە ورىندالۋى قاجەتتىگىن العا تارتادى. جەك­سەنبىدە سيريا بيلىگى اسكەردىڭ كۇشىمەن قارسىلىق كور­سەتۋشىلەردى باسۋ كەزىندە 50 ادام وققا ۇشسا, بۇنىڭ ال­دىنداعى اپتادا 150 ادام ولتىرىلگەن-ءدى.

قىسقا قايىرىپ ايتقاندا:

• اقش-تىڭ وگايو شتاتىنداعى كوپلي-تاۋنشيپ قالاسىندا وتباسىلىق داۋ سەگىز ادامنىڭ ولىمىنە الىپ كەلدى. ازىرگە پوليتسيا الدىمەن, ءبىر ۇيدەگى بەس ادامدى, ارتىنان, ەكىنشى ۇيدەگى تاعى ءۇش ادامدى اتىپ ءولتىرۋشىنىڭ اتى-ءجونىن ايتپاي وتىر. ولگەندەردىڭ اراسىندا 11 جاسار بالا دا بار.

• فرانتسيانىڭ تۋلۋزاسىنداعى مەشىتتەردىڭ بىرىندە ەر كىسى ءوزىن ءوزى ورتەپ جىبەردى. تەرىسىنىڭ 90 پايىزعا دەيىن كۇيىك شالۋىنان ول اۋرۋحانادا كوز جۇمعان. كۋاگەرلەردىڭ ايتۋىنشا, الگى كىسى يمامعا داۋىس كوتەرىپ, ارتىنان وزىنە بەنزين قۇيىپ, وت قويعان. جەرگىلىكتى بيلىك ونىڭ جۇيكە اۋرۋىمەن اۋىر­عاندىعىن ايتادى. • رەسەيدىڭ امۋر وبلىسىندا ان-24 ۇشاعى قونۋ سىزىعىنان شى­عىپ كەتىپ, اپات ورىن الدى. ناتيجەسىندە, 12 ادام اۋرۋحاناعا جات­­قىزىلعان. «يراەرو» كومپانياسىنا تيەسىلى ۇشاق قونۋ الا­ڭى­نان شىعىپ كەتكەن كەزدە ونىڭ ءشاسسيى مەن قاناتى ج ۇلىنىپ كەتىپ, قوزعالتقىشى ايتارلىقتاي زاقىمدانعانى بەلگىلى بولىپ وتىر.

• اقش-تىڭ ميسسۋري شتاتىنىڭ كانزاس-سيتي قالاسىندا داۋ­ىلدىڭ سالدارىنان 50 مىڭعا تارتا تۇرعىن ءۇي شا­رۋا­شى­لىقتارى ەلەكتر قۋاتىنسىز قالدى. مەتەورولوگتار داۋىلدىڭ سەكۋندىنا 33 مەتر جىلدامدىقپەن سوققاندىعىن ايتادى.

ينتەرنەت ماتەريالدارى نەگىزىندە ازىرلەندى.