2011 جىلعى 29 ءساۋىر, استانا, ۇكىمەت ءۇيى
ۇلتتىق تەڭىز تاسىمالداۋشىسى تۋرالى
«ساۋدا ماقساتىندا تەڭىزدە ءجۇزۋ تۋرالى» قازاقستان رەسپۋبليكاسىنىڭ 2002 جىلعى 17 قاڭتارداعى زاڭىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قازتەڭىزكولىكفلوتى» ۇلتتىق تەڭىز كەمە قاتىناسى كومپانياسى» اكتسيونەرلىك قوعامى ۇلتتىق تەڭىز تاسىمالداۋشىسى بولىپ انىقتالسىن.
2. قوسا بەرىلىپ وتىرعان قازاقستان رەسپۋبليكاسىنىڭ ۇلتتىق تەڭىز تاسىمالداۋشىسى تۋرالى قاعيدا بەكىتىلسىن.
3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 29 ساۋىردەگى №462 قاۋلىسىمەن بەكىتىلگەن
قازاقستان رەسپۋبليكاسىنىڭ ۇلتتىق تەڭىز تاسىمالداۋشىسى تۋرالى قاعيدا
1. جالپى ەرەجەلەر
1. وسى ۇلتتىق تەڭىز تاسىمالداۋشىسى تۋرالى قاعيدا (بۇدان ءارى - قاعيدا) «ساۋدا ماقساتىندا تەڭىزدە ءجۇزۋ تۋرالى» قازاقستان رەسپۋبليكاسىنىڭ 2002 جىلعى 17 قاڭتارداعى زاڭىنا سايكەس ازىرلەندى.
2. ۇلتتىق تەڭىز تاسىمالداۋشىسى ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, «ساۋدا ماقساتىندا تەڭىزدە ءجۇزۋ تۋرالى» قازاقستان رەسپۋبليكاسىنىڭ 2002 جىلعى 17 قاڭتارداعى زاڭىن جانە قازاقستان رەسپۋبليكاسىنىڭ باسقا دا نورماتيۆتىك قۇقىقتىق اكتىلەرىن, قازاقستان رەسپۋبليكاسى راتيفيكاتسيالاعان حالىقارالىق شارتتاردى, سونداي-اق وسى قاعيدانى باسشىلىققا الادى.
2. ۇلتتىق تەڭىز تاسىمالداۋشىسىنىڭ مىندەتتەرى مەن فۋنكتسيالارى
3. ۇلتتىق تەڭىز تاسىمالداۋشىسىنىڭ نەگىزگى مىندەتى ساۋدا فلوتىن دامىتۋ بولىپ تابىلادى.
4. ۇلتتىق تەڭىز تاسىمالداۋشىسى مىناداي فۋنكتسيالاردى جۇزەگە اسىرادى: 1) جولاۋشىلاردى, باگاجدى, پوشتا جونەلتىمدەرىن جانە جۇكتەردى, ونىڭ ىشىندە ىزگىلىك جۇگىن, ارنايى جۇكتەردى تاسىمالداۋ جونىندەگى قىزمەتتەردى كورسەتەدى;
2) تەڭىز فلوتى ءۇشىن كادرلاردى وقىتۋعا مەملەكەتتىك تاپسىرىستى قالىپتاستىرۋ جونىندە ۇسىنىستار ەنگىزەدى;
3) ساۋدا ماقساتىندا تەڭىزدە ءجۇزۋ سالاسىندا حالىقارالىق شارتتاردى ىسكە اسىرۋعا قاتىسادى.
3. قىزمەتىن ۇيىمداستىرۋ
5. ۇلتتىڭ تەڭىز تاسىمالداۋشىسى ءوز قىزمەتىن وسى قاعيداعا سايكەس ۇيىمداستىرادى.
6. قازاقستان رەسپۋبليكاسىنىڭ زاڭنامالىق اكتىلەرىنە سايكەس ۇلتتىق تەڭىز تاسىمالداۋشىسىنا مەملەكەتتىك قولداۋ كورسەتىلەدى.
7. ۇلتتىق تەڭىز تاسىمالداۋشىسىن قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ ازاماتتىق زاڭناماسىنا سايكەس جۇزەگە اسىرىلادى.