2011 جىلعى 29 ءساۋىر, استانا, ۇكىمەت ءۇيى
قازاقستان رەسپۋبليكاسىنىڭ ازاماتتىق اۆياتسياسىندا بورتسەرىكتەردىڭ جۇمىسىن ۇيىمداستىرۋ قاعيداسىن بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 25) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسىنىڭ ازاماتتىق اۆياتسياسىندا بورتسەرىكتەردىڭ جۇمىسىن ۇيىمداستىرۋ قاعيداسى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 29 ساۋىردەگى №471 قاۋلىسىمەن بەكىتىلگەن
قازاقستان رەسپۋبليكاسىنىڭ ازاماتتىق اۆياتسياسىندا بورتسەرىكتەردىڭ جۇمىسىن ۇيىمداستىرۋ قاعيداسى
1. جالپى ەرەجەلەر
1. وسى قازاقستان رەسپۋبليكاسىنىڭ ازاماتتىق اۆياتسياسىندا بورتسەرىكتەردىڭ جۇمىسىن ۇيىمداستىرۋ قاعيداسى (بۇدان ءارى – قاعيدا) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 13-بابىنىڭ 25) تارماقشاسىنا سايكەس ازىرلەندى جانە قازاقستان رەسپۋبليكاسىنىڭ ازاماتتىق اۆياتسياسىندا بورتسەرىكتەردىڭ جۇمىسىن ۇيىمداستىرۋ ءتارتىبىن ايقىندايدى.
2. وسى قاعيدادا مىناداي تەرميندەر مەن انىقتالعاندار قولدانىلادى:
1) اۆياتسيالىق وقۋ ورتالىعى – اۆياتسيا پەرسونالىن دايارلاۋدى, قايتا دايارلاۋدى جانە ولاردىڭ كاسىپتىك دەڭگەيىن ۇستاۋدى جۇزەگە اسىراتىن زاڭدى تۇلعا;
2) اسا ماڭىزدى ۇشۋ – قازاقستان رەسپۋبليكاسىنىڭ ۇكىمەتى ۋاكىلەتتىك بەرگەن مەملەكەتتىك ورگاندار قازاقستان رەسپۋبليكاسىنىڭ كۇزەتىلەتىن ادامدارىن اۋەمەن تاسىمالداۋ كەزىندە اۋە كەمەلەرىنىڭ ۇشۋىنا, سونداي-اق ولاردىڭ ۇشاتىن مارشرۋتتارىنا (رەيستەرىنە) بەرەتىن مارتەبە;
3) قاۋىپتى جۇكتەر – دەنساۋلىق, قاۋىپسىزدىك, م ۇلىك نەمەسە قورشاعان ورتا ءۇشىن قاتەر توندىرۋگە قابىلەتتى جانە حالىقارالىق ازاماتتىق اۆياتسيا ۇيىمىنىڭ (يكاو) كەڭەسى بەكىتكەن اۋە ارقىلى قاۋىپتى جۇكتەردى قاۋىپسىز تاسىمالداۋ جونىندەگى تەحنيكالىق نۇسقاۋلىقتارداعى قاۋىپتى جۇكتەر تىزبەسىندە كورسەتىلگەن بۇيىمدار نەمەسە زاتتار;
4) ۇشۋدى جۇرگىزۋ جونىندەگى نۇسقاۋلىق – ۇشۋ ءتارتىبىن, ۇيىمداستىرىلۋىن, قامتاماسىز ەتىلۋىن جانە ورىندالۋىن رەگلامەنتتەيتىن, پايدالانۋشى بەكىتەتىن جانە ازاماتتىق اۆياتسيا سالاسىنداعى ۋاكىلەتتى ورگانمەن كەلىسىلگەن قۇجات;
5) ازاماتتىق اۆياتسيا سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – قازاقستان رەسپۋبليكاسىنىڭ اۋە كەڭىستىگىن پايدالانۋ جانە ازاماتتىق جانە ەكسپەريمەنتتىك اۆياتسيا قىزمەتى سالاسىنداعى باسشىلىقتى جۇزەگە اسىراتىن ورتالىق اتقارۋشى ورگان;
6) كابينالىق ەكيپاج مۇشەسى – قاۋىپسىزدىك مۇددەسىنە وراي جانە جولاۋشىلارعا قىزمەت كورسەتۋ جانە (نەمەسە) جۇكتەردى تاسىمالداۋ ماقساتىندا اۋە كەمەسىنىڭ بورتىندا پايدالانۋشى نەمەسە اۋە كەمەسىنىڭ كومانديرى وزىنە تاپسىراتىن مىندەتتەردى ورىندايتىن, اۆياتسيا پەرسونالىنا جاتاتىن, بىراق ۇشۋ ەكيپاجىنىڭ مۇشەسى بولىپ تابىلمايتىن تۇلعا.
ازاماتتىق, مەملەكەتتىك جانە ەكسپەريمەنتتىك اۆياتسيانىڭ ازاماتتىق پەرسونالىنىڭ تىزبەلەرى ازاماتتىق جانە مەملەكەتتىك اۆياتسيا سالاسىنداعى ۋاكىلەتتى ورگانداردىڭ بىرلەسكەن بۇيرىعىمەن بەلگىلەنەدى.
7) ۇشۋ ەكيپاجىنىڭ مۇشەسى – اۆياتسيا پەرسونالىنا جاتاتىن, اۆياتسيا پەرسونالىنىڭ قولدانىستاعى كۋالىگى بار, ۇشۋ ۋاقىتى ىشىندە اۋە كەمەسىن باسقارۋعا بايلانىستى مىندەتتەر جۇكتەلگەن تۇلعا;
8) پايدالانۋشى – ازاماتتىق اۋە كەمەلەرىن پايدالانۋمەن اينالىساتىن جانە وسى سالاداعى ءوز قىزمەتىن ۇسىناتىن جەكە نەمەسە زاڭدى تۇلعا.
2. بورتسەرىكتەرىنىڭ جۇمىسىن ۇيىمداستىرۋ ءتارتىبى
3. بورتسەرىكتەر فۋنكتسيالارى مەن مىندەتتەرىن پايدالانۋشى ورىندالاتىن جۇمىس كولەمدەرى مەن ەرەكشەلىگىن ەسكەرە وتىرىپ ايقىندايتىن جانە ۇشۋدى جۇرگىزۋ جونىندەگى نۇسقاۋلىقتا كورىنىس تاباتىن اۋە كەمەسىنىڭ كابينالىق ەكيپاجىنىڭ مۇشەسى بولىپ تابىلادى.
4. بورتسەرىكتەر ءوز مىندەتتەرىن ورىنداۋى ءۇشىن پايدالانۋشى مىنالاردى:
1) بورتسەرىكتەردى دايارلاۋ, قايتا دايارلاۋدى جانە ولاردىڭ كاسىپتىك دەڭگەيىن قولداۋدى;
2) بورتسەرىكتەردى دەربەس جۇمىسقا جىبەرۋدى;
3) بورتسەرىكتەردى الدىن الا جانە ۇشۋ الدىندا دايارلاۋدى;
4) اۋە كەمەسىنىڭ بورتىندا جولاۋشىلارعا قىزمەت كورسەتۋدى;
5) ۇشۋداعى پراكتيكالىق جۇمىستى تەكسەرۋدى;
6) ۇشقاننان كەيىنگى تالداۋدى;
7) بورتسەرىكتەردىڭ جۇمىسىن ۇيىمداستىرۋدى باقىلاۋدى ۇيىمداستىرادى.
5. پايدالانۋشى ازاماتتىق اۆياتسيانىڭ اۆياتسيالىق وقۋ ورتالىقتارىندا بورتسەرىكتەردى دايارلاۋدى, قايتا دايارلاۋدى جانە كاسىپتىك دەڭگەيىن قولداۋدى ءوزىنىڭ جەكە قاراجاتى ەسەبىنەن ۇيىمداستىرادى.
ازاماتتىق اۆياتسيانىڭ اۆياتسيالىق وقۋ ورتالىقتارىندا باستاپقى دايارلاۋدان وتكەننەن كەيىن بورتسەرىكتەرگە ۋاكىلەتتى ورگان بەلگىلەيتىن تارتىپپەن كۋالىك بەرىلەدى.
بورتسەرىكتەردى اۋە كەمەسىنىڭ باسقا ۇلگىسىنە قايتا دايارلاۋ اۋە كەمەسىنىڭ جاڭا ۇلگىسىندە ونىڭ ەرەكشەلىكتەرىن ەسكەرە وتىرىپ, فۋنكتسيونالدىق مىندەتتەرىن ورىنداۋ ءۇشىن قاجەتتى كاسىپتىك بىلىمدەر مەن داعدىلاردى الۋ ماقساتىندا جۇرگىزىلەدى.
6. پايدالانۋشى حالىقارالىق اۋە جەلىلەرىندە جۇمىس ءۇشىن بورتسەرىكتەردىڭ ۋاكىلەتتى ورگان بەكىتكەن باعدارلامالار بويىنشا, سونداي-اق ازاماتتىق اۆياتسيانىڭ سەرتيفيكاتتالعان اۆياتسيالىق وقۋ ورتالىقتارىندا شەت تىلدەرى بويىنشا ءتيىستى دايارلاۋدان ءوتۋىن قامتاماسىز ەتەدى.
7. كاسىپتىك دەڭگەيىن قولداۋ ماقساتىندا بورتسەرىكتەر ءۇش جىلدا ءبىر رەت ازاماتتىق اۆياتسيانىڭ اۆياتسيالىق وقۋ ورتالىقتارىندا بىلىكتىلىكتى ارتتىرۋ كۋرستارىنان وتەدى.
8. پايدالانۋشى ۋاكىلەتتى ورگان بەكىتكەن بورتسەرىكتەردى دايارلاۋ جانە قايتا دايارلاۋ, ونىڭ ىشىندە اۆياتسيالىق قاۋىپسىزدىك بويىنشا باعدارلامالاردى ورىنداۋدى قامتاماسىز ەتەدى.
9. پايدالانۋشى جىل سايىن اۋە كەمەسىنىڭ ءماجبۇرلى تۇردە قونۋى كەزىندەگى اۆاريالىق جاعدايلاردا ءاربىر بورتسەرىكتىڭ ءىس-ارەكەتىن پىسىقتاۋدى جانە پايدالانۋشى ازىرلەگەن جانە بەكىتكەن ءارى ۋاكىلەتتى ورگانمەن كەلىسىلگەن باعدارلامالار بويىنشا ونىڭ جابدىعىن قاۋىپسىز پايدالانۋدىڭ راسىمدەرىن قامتيتىن بورتسەرىكتەردى مەرزىمدىك جاتتىقتىرۋدى ۇيىمداستىرادى جانە وتكىزەدى.
10. بورتسەرىكتەردى اۋە كەمەسىنىڭ بورتىنداعى دەربەس جۇمىسقا جىبەرۋدى پايدالانۋشى اۋە كەمەسىندە تاعىلىمدامادان وتكەننەن جانە تاعىلىمدامانى وتكىزگەن لاۋازىمدى ادامنىڭ دەربەس جۇمىسقا جىبەرۋ مۇمكىندىگى تۋرالى شەشىمىنەن كەيىن ۇيىمداستىرادى جانە جۇزەگە اسىرادى.
11. بورتسەرىكتەر دەنساۋلىق ساقتاۋ سالاسىنداعى ۋاكىلەتتى ورگان بەكىتكەن قازاقستان رەسپۋبليكاسىنىڭ ازاماتتىق اۆياتسياسىنداعى مەديتسينالىق كۋالاندىرۋ قاعيداسىنا سايكەس بەرىلەتىن مەديتسينالىق قورىتىندىنىڭ جانە ازاماتتىق اۆياتسيا سالاسىنداعى ۋاكىلەتتى ورگان بەرەتىن بەلگىلەنگەن ۇلگىدەگى بورتسەرىكتىڭ قولدانىستاعى كۋالىگى بولعان كەزدە ۇشۋعا جىبەرىلەدى.
12. بورتسەرىكتەردى قاۋىپتى جۇكتەردى تاسىمالداۋعا جىبەرۋ ۋاكىلەتتى ورگان بەكىتكەن ازاماتتىق اۋە كەمەلەرىندە قاۋىپتى جۇكتەردى تاسىمالداۋ جونىندەگى نۇسقاۋلىقتىڭ تالاپتارىنا سايكەس ازاماتتىق اۆياتسيانىڭ اۆياتسيالىق وقۋ ورتالىقتارىندا ولار قاجەتتى دايارلىقتان وتكەننەن كەيىن جۇزەگە اسىرىلادى.
13. بورتسەرىككە ءتورت ۇلگىدەن اسپايتىن اۋە كەمەلەرىندە ۇشۋعا رۇقسات بەرىلەدى.
14. ۇشۋداعى ءۇزىلىستىڭ ۇزاقتىعىنا بايلانىستى ۇشۋداعى ۇزىلىستەن كەيىن اۋە كەمەسىنىڭ بورتىنداعى جۇمىسقا جىبەرۋدى پايدالانۋشى ۋاكىلەتتى ورگان بەكىتكەن باعدارلامالار بويىنشا جۇزەگە اسىرادى.
15. ۇشۋدىڭ قاۋىپسىزدىك دەڭگەيىن ارتتىرۋ ماقساتىندا پايدالانۋشى بورتسەرىكتەرمەن الدىن الا جانە ۇشۋ الدىنداعى دايارلىقتى ۇيىمداستىرادى جانە وتكىزەدى.
الدىن الا دايارلاۋ بورتسەرىكتەردى ۇشۋعا دايارلاۋدىڭ نەگىزگى ءتۇرى بولىپ تابىلادى جانە پايدالانۋشى:
بورتسەرىكتەر اۋە كەمەسىنىڭ بورتىندا تاعىلىمداما باعدارلاماسىنان وتكەن كەزدە;
ءبىر ايدان استام ۇشۋداعى ۇزىلىستەن كەيىن;
التى ايدا ءبىر رەت - تۇراقتى ۇشۋدى ورىنداۋدىڭ الدىندا;
ەرەكشە ماڭىزدى ۇشۋدى ورىنداۋدىڭ الدىندا;
ارنايى رەيستەردى ورىنداۋدىڭ الدىندا;
جاڭا مارشرۋت بويىنشا ءبىرىنشى رەيستىڭ الدىندا;
تاپسىرىستى جانە چارتەرلىك رەيستەردى ورىنداۋدىڭ الدىندا جۇرگىزەدى.
16. الدىن الا دايارلاۋ بورتسەرىكتەردىڭ الداعى ۇشۋدا ولار ورىندايتىن بارلىق جۇمىس ءراسىمدەرىن زەردەلەۋى مەن مەڭگەرۋىن قامتيدى. الدىن الا دايارلاۋدىڭ مازمۇنى مەن كولەمىن پايدالانۋشى ايقىندايدى.
بورتسەرىكتەرىن الدىن الا دايارلاۋ پايدالانۋشى ايقىندايتىن تارتىپپەن بورتسەرىكتەردىڭ ۇشۋدى ورىنداۋعا دايىندىعىن باقىلاۋمەن اياقتالادى.
17. ءاربىر ۇشۋدىڭ الدىندا ۇشۋ الدى دايارلىعى جۇرگىزىلەدى.
ۇشۋ الدىنداعى دايارلىق بورتسەرىكتەردى ۇشۋعا الدىن الا دايارلاۋدىڭ قورىتىندى كەزەڭى بولىپ تابىلادى, ونىڭ پروتسەسىندە الدىن الا دايارلىق ۋاقىتىندا زەردەلەنبەگەن, اۋە كەمەسىنىڭ ۇشۋىنىڭ الدىندا تىكەلەي تۋىندايتىن ماسەلەلەردى شەشۋ جۇرگىزىلەدى.
ۇشۋ الدىنداعى دايارلىق تەحنولوگياسىن اۋە كەمەسىنىڭ ۇلگىسى مەن بورتسەرىكتەردىڭ سانىن ەسكەرە وتىرىپ, پايدالانۋشى ازىرلەيدى جانە بەكىتەدى, ۇشۋعا دايارلىق بويىنشا بورتسەرىكتەر قىزمەتىنىڭ تەحنولوگيالىق پروتسەستەرىنە قاتىساتىن ارالاس قىزمەتتەرمەن كەلىسىلەدى.
18. جولاۋشىلارعا اۋە كەمەسىنىڭ بورتىندا قىزمەت كورسەتۋ مىنالاردى ەسكەرە وتىرىپ, پايدالانۋشى ازىرلەيتىن جانە بەكىتەتىن تەحنولوگياعا سايكەس جۇزەگە اسىرىلادى:
1) اۋە كەمەسىنىڭ ۇلگىسى;
2) بورتسەرىكتەردىڭ سانى;
3) قىزمەت كورسەتۋ سىنىپتارى;
4) ۇسىنىلاتىن قىزمەتتەردىڭ تۇرلەرى;
5) ۇشۋ ۋاقىتى.
19. پايدالانۋشى بورتسەرىكتەردىڭ اۋە كەمەسىنىڭ بورتىندا جولاۋشىلارعا قىزمەت كورسەتۋى ماقساتىندا مىنانى ۇيىمداستىرادى:
1) جولاۋشىلاردىڭ قاجەتتىلىكتەرىنە سايكەس اۋە كەمەسىنىڭ بورتىندا كومفورتتىڭ ءتيىستى دارەجەسى;
2) جولاۋشىلارعا قىزمەتتەردىڭ مىندەتتى اسسورتيمەنتىن ۇسىنۋ;
3) جولاۋشىلاردىڭ اۋە كەمەسىنىڭ بورتىندا ءجۇرىپ تۇرۋ قاعيداسىن ساقتاۋىنا تۇراقتى باقىلاۋ;
4) جولاۋشىلاردىڭ تاماقتانۋىنا ارنالعان ازىق-ت ۇلىكتەردىڭ جارامدىلىق مەرزىمدەرىن قاتاڭ ساقتاۋ.
20. پايدالانۋشى بورتسەرىكتەردىڭ ۇشۋداعى پراكتيكالىق جۇمىسىن تەكسەرۋدى مىناداي ماقساتتا ۋاكىلەتتى ورگان بەكىتكەن باعدارلامالار بويىنشا ۇيىمداستىرادى جانە جۇرگىزەدى:
1) اۋە كەمەسىنىڭ بورتىنداعى دەربەس جۇمىسقا رۇقسات الۋ;
2) التى ايدان استام ۇشۋ قىزمەتىندەگى ۇزىلىستەن كەيىن اۋە كەمەسىنىڭ بورتىنداعى جۇمىسقا رۇقسات الۋ;
3) ماماندىعى بويىنشا بىلىكتىلىگىن ايقىنداۋ نەمەسە راستاۋ.
21. بورتسەرىكتەردىڭ پراكتيكالىق جۇمىسىن تەكسەرۋ مىناداي مەرزىمدەردە:
1) بىلىكتىلىگىنە قاراماستان – اۋە كەمەسىنىڭ وسى ۇلگىسىندەگى جۇمىستىڭ ءبىرىنشى جىلى ىشىندە التى ايدا كەمىندە ءبىر رەت;
2) ءبىر جىلدان استام ءوتىلى بار بىلىكتىلىگىنە قاراماستان – جىلىنا كەمىندە ءبىر رەت جۇزەگە اسىرىلادى.
22. پراكتيكالىق جۇمىستى تەكسەرۋ ناتيجەلەرى ۇشۋ كىتاپشاسىنا ەنگىزىلەدى جانە بورتسەرىكتەردىڭ كۋالىگىنىڭ قولدانىلۋ مەرزىمىن ۇزارتۋ ءۇشىن:
1) بورتسەرىكتەر ءۇشىن (بىلىكتىلىك سىنىبىنا قاراماستان) ءبىر جىل ىشىندە;
2) اۋە كەمەسىنىڭ باسقا ۇلگىسىنە قايتا دايارلاۋدان كەيىن دەربەس جۇمىستىڭ ءبىرىنشى جىلى ىشىندە بورتسەرىكتەر ءۇشىن ءۇش اي ىشىندە جارامدى بولىپ تابىلادى.
23. پايدالانۋشى بورتسەرىكتەردى ۇشۋدان كەيىنگى تالداۋلاردى ۇيىمداستىرادى جانە بورتسەرىكتەردىڭ جۇمىسىندا كەمشىلىكتەردى انىقتاۋ جانە جول بەرمەۋ ماقساتىندا:
1) كابينالىق ەكيپاجدا (قاجەتتىلىك كەزىندە ۇشۋ ەكيپاجى مۇشەلەرىنىڭ قاتىسۋىمەن);
2) بورتسەرىكتەردىڭ قاتىسۋىمەن ۇشۋ ەكيپاجىندا ء(بىر بورتسەرىگى كوزدەلگەن اۋە كەمەسىندە) ءاربىر ۇشۋدان كەيىن وتكىزىلەدى.
24. پايدالانۋشى اتقارىلعان جۇمىس, ونى ۇيىمداستىرۋ جانە ودان كەيىنگى ايعا ارنالعان ءىس-شارالار جوسپارىن ازىرلەۋ تۋرالى اقپاراتتى جۇيەلەندىرۋ ماقساتىندا بورتسەرىكتەر مەن اي سايىنعى تالداۋلاردى ۇيىمداستىرادى جانە وتكىزەدى.
25. پايدالانۋشى بورتسەرىكتەردىڭ جۇمىسىن ۇيىمداستىرۋعا باقىلاۋدى ۇشۋدى جۇرگىزۋ جونىندەگى نۇسقاۋلىقتىڭ جانە وسى قاعيدانىڭ تالاپتارىن ورىنداۋ ماقساتىندا جۇزەگە اسىرادى.
26. باقىلاۋ پايدالانۋشىنىڭ ۇشۋ قاۋىپسىزدىگى, اۆياتسيالىق قاۋىپسىزدىك سالاسىنداعى قاجەت ەتىلەتىن ناتيجەلەرگە قول جەتكىزۋگە جانە اۋە كەمەسىنىڭ بورتىندا جولاۋشىلارعا قىزمەت كورسەتۋ ساپاسىن ارتتىرۋعا باعىتتالعان بورتسەرىكتەردىڭ جۇمىسىن تۇراقتى تەكسەرۋدى جۇرگىزۋدى كوزدەيدى.
باقىلاۋعا:
بورتسەرىكتەردىڭ جۇمىسىن (ۇشۋدى) جوسپارلاۋ;
كاسىپتىك دايارلىق جانە جۇمىسقا جىبەرۋ جاتادى.