كورمەگە كەلىڭىزدەر

الماتىداعى ۇلتتىق كىتاپحانادا قازاقستان رەسپۋبليكاسى تاۋەلسىزدىگىنىڭ 20 جىلدىق مەرەيتويى اياسىندا جانە استانا كۇنىنە وراي «استانا – وتانىمىزدىڭ جۇرەگى» اتتى كەڭ اۋقىمدى كىتاپ كورمەسى اشىلدى. الماتى قالاسى اكىمدىگى مەن ۇلتتىق كىتاپحانانىڭ بىرلەسىپ ۇيىمداستىرۋىمەن اشىلعان كور­مەگە كىتاپحانا قورىنان الىنعان قازاق جانە ورىس تىلىندەگى 2 مىڭ­نان استام ادەبيەتتەر قويىلعان. وندا سارىارقا تورىندەگى ەل­وردانىڭ بۇگىنگى كۇنگە دەيىنگى دامىپ, وركەندەۋى جايلى سىر شەرتەتىن ەڭبەكتەر بار. ۇلتتىق كىتاپحانانىڭ باس دي­رەكتورى گۋليسا بالابەكوۆا­نىڭ ايتۋىنشا, بۇل اۋقىمدى كور­مەنى استانا كۇنى مەن ەلبا­سىنىڭ تۋ­عان كۇنىنە جانە ەل تاۋەلسىزدىگىنىڭ 20 جىلدىعىنا ارناۋداعى باستى ماقساتتارى –  كوركەيىپ, گۇلدەنىپ كەلە جاتقان استانامىزدى كور­سەتۋ. «ءويت­كەنى, بۇگىنگى ەلوردامىز – قا­رىش­تاپ دامىعان مەملە­كەتىمىز­دىڭ سيمۆولى بولعاندىق­تان, سو­نى وقىرماندارىمىزعا ماق­تانىشپەن جيناقتاپ كور­سەتۋ­گە تىرىستىق» دەيدى ول. كورمە اياسىندا «قازاقستان مەتردىڭ كوزىمەن» اتتى ەل پرە­زيدەنتىنىڭ تۇڭعىش جەكە فوتو­گرافى يوسيف بۋدنەۆيچتىڭ فوتو­سۋرەتتەرىنىڭ كورمەسى اشىلدى. كورمەگە 70-تەن اسا فوتوسۋرەتتەر قويىلعان. – ەڭ الدىمەن قازاقستان حال­قىن ەل تاۋەلسىزدىگىنىڭ 20 جىلدىعىمەن قۇتتىقتايمىن. بىزدەر كورمەدەن قازاقستاننىڭ جاڭا استاناسى جايىندا كوپ­تەگەن ما­علۇماتتارعا قانىق بولدىق. ونداعى كىتاپتار, فوتوالبومداردان قازىرگى زامان­عا لايىقتى, مودەرلەندىرىلگەن, كۇن سايىن وركەن جايىپ كەلە جاتقان رەسپۋب­ليكانىڭ جۇرە­گىندە ورنالاسقان استانانى كور­دىك. الداعى ۋاقىتتا دا قازاق ەلىنىڭ بۇدان دا ءارى ءوسىپ, وركەندەۋىنە كۋا بولامىز دەپ ويلايمىن, – دەدى كورمە قوناق­تارىنىڭ ءبىرى يران يسلام رەس­پۋبليكاسىنىڭ ەلىمىزدەگى ەل­شىسى­نىڭ مادەنيەت جونىندەگى كەڭەسشى­سىنىڭ ورىنباسارى موحاممەد-رەزا ساتتاري مىرزا. گۇلزەينەپ سادىرقىزى.