2011 جىلعى 11 ناۋرىز, استانا, ۇكىمەت ءۇيى
مەملەكەت مەنشiگiندە بولاتىن گەولوگيالىق اقپاراتتى وقۋ, عىلىمي, كوممەرتسيالىق ماقساتتاردا پايدالانۋ جانە گەولوگيالىق اقپاراتتى قازاقستان رەسپۋبليكاسىنان تىسقارى جەرگە اكەتۋ قاعيداسىن بەكiتۋ تۋرالى
«جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭى 16-بابىنىڭ 29) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان مەملەكەت مەنشiگiندە بولاتىن گەولوگيالىق اقپاراتتى وقۋ, عىلىمي, كوممەرتسيالىق ماقساتتاردا پايدالانۋ جانە گەولوگيالىق اقپاراتتى قازاقستان رەسپۋبليكاسىنان تىسقارى جەرگە اكەتۋ قاعيداسى بەكىتىلسىن.
2. مىنالاردىڭ كۇشى جويىلدى دەپ تانىلسىن:
1) «مەملەكەت مەنشىگىندەگى گەولوگيالىق اقپارات جانە ونى وقۋ, عىلىمي, كوممەرتسيالىق جانە وزگە دە ماقساتتاردا پايدالانۋ ءتارتىبى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996 جىلعى 7 قاراشاداعى № 1357 قاۋلىسى (قازاقستان رەسپۋبليكاسىنىڭ ءپۇاج-ى, 1996 ج., № 45, 436-قۇجات);
2) «قازاقستان رەسپۋبليكاسى ۇكىمەتىنىڭ جەر قويناۋىن پايدالانۋ جونىندەگى كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 1998 جىلعى 22 ماۋسىمداعى № 578 قاۋلىسىنىڭ 1-تارماعى 4) تارماقشاسى (قازاقستان رەسپۋبليكاسىنىڭ ءپۇاج-ى, 1998 ج., № 19, 172-قۇجات);
3) «قازاقستان رەسپۋبليكاسى ۇكىمەتىنىڭ 1996 جىلعى 7 قاراشاداعى № 1357 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 4 تامىزداعى № 779 قاۋلىسى (قازاقستان رەسپۋبليكاسىنىڭ ءپۇاج-ى, 2003 ج., № 31, 314-قۇجات).
3. وسى قاۋلى العاشقى رەسمي جاريالانعان كۇنىنەن باستاپ ون كۇنتiزبەلiك كۇن وتكەن سوڭ قولدانىسقا ەنگiزiلەدi.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 11 ناۋرىزداعى №251 قاۋلىسىمەن بەكىتىلگەن
مەملەكەت مەنشiگiندە بولاتىن گەولوگيالىق اقپاراتتى وقۋ, عىلىمي, كوممەرتسيالىق ماقساتتاردا پايدالانۋ جانە گەولوگيالىق اقپاراتتى قازاقستان رەسپۋبليكاسىنان تىسقارى جەرگە اكەتۋ قاعيداسى
1. «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ (بۇدان ءارى – زاڭ) 16-بابىنىڭ 29) تارماقشاسىنا سايكەس ءازىرلەنگەن مەملەكەت مەنشiگiندە بولاتىن گەولوگيالىق اقپاراتتى وقۋ, عىلىمي, كوممەرتسيالىق ماقساتتاردا پايدالانۋ جانە گەولوگيالىق اقپاراتتى قازاقستان رەسپۋبليكاسىنان تىسقارى جەرگە اكەتۋ قاعيداسى (بۇدان ءارى – قاعيدا) مەملەكەت مەنشىگىندە بولاتىن گەولوگيالىق اقپاراتتى وقۋ, عىلىمي جانە كوممەرتسيالىق ماقساتتاردا پايدالانۋ ءتارتىبىن (بۇدان ءارى – گەولوگيالىق اقپارات) انىقتايدى.
2. مەملەكەت مەنشiگiندە بولاتىن گەولوگيالىق اقپاراتتى وقۋ, عىلىمي, كوممەرتسيالىق ماقساتتاردا پايدالانۋ ءتارتىبى
2. وسى قاعيدانىڭ 3-تارماعىندا كورسەتىلگەن گەولوگيالىق اقپاراتتى قوسپاعاندا, گەولوگيالىق اقپاراتتى پايدالانۋعا ۇسىنۋدى قازاقستان رەسپۋبليكاسىندا گەولوگيالىق اقپاراتتىڭ ساقتاۋشىسى بولىپ تابىلاتىن جەر قويناۋىن زەردەلەۋ مەن پايدالانۋ جونىندەگى ۋاكىلەتتى ورگان (بۇدان ءارى – ۋاكىلەتتى ورگان) جۇزەگە اسىرادى.
3. قاعيدا مەملەكەتتىك قۇپيالاردى قامتيتىن گەولوگيالىق اقپاراتقا قولدانىلمايدى.
4. گەولوگيالىق اقپارات باستاپقى جانە قايتالاما نەگiزگi ەكi ءتۇردى قامتيدى:
گەولوگيالىق باستاپقى اقپاراتقا:
بۇرعىلاۋ ۇڭعىمالارىنىڭ باعاناسى, مۇناي, سۋ, گاز سىنامالارى, تاس ماتەريالدىڭ ۇلگiلەرi, سىنامالارى جانە كوللەكتسيالارى, شليفتار, انشليفتار, مينەرالدىق ەرىتىندىلەر مەن ۇنتاقتار ارقىلى بiلدiرiلگەن تابيعي تاراتۋشىلارعا ارنالعان اقپارات (زاتتاي اقپارات);
دالالىق بايقاۋ جۋرنالدارى مەن باسقا دا قۇجاتتامالاردا, ونىڭ iشiندە سىناۋ, سىنامالاردى تالداۋ, گەوفيزيكالىق بايقاۋلاردى تىركەۋ جۋرنالدارىندا جاساندى تاراتۋشىلاردا (قاعاز جانە ەلەكتروندى) كورسەتىلگەن اقپارات جاتادى.
قايتالاما گەولوگيالىق اقپاراتقا باستاپقى اقپاراتتى وڭدەۋ, ماعىناسىن اشۋ, تالداۋ جانە قورىتۋ ناتيجەسiندە الىنعان اقپارات جاتادى.
5. باستاپقى جانە قايتالاما گەولوگيالىق اقپارات:
تابيعي تاسىمالداۋشىلارداعى اقپاراتتىڭ تەلنۇسقالارى جانە قۇجاتتاردىڭ كوشىرمەلەرى تۇرىندە;
گەولوگيالىق اقپاراتتى كوشىرمە جاساماي جانە الماي-اق تانىسۋ جولىمەن بەرىلۋى مۇمكىن.
6. گەولوگيالىق اقپارات وقۋ ماقساتتارىندا مەملەكەتتىك, سونداي-اق اككرەديتتەلگەن جەكە وقۋ ورىندارىنا بەرىلەدى. عىلىمي زەرتتەۋلەر مەملەكەتتىك بيۋدجەتتەن قارجىلاندىرىلعان جاعدايدا, عىلىمي ماقساتتاردا گەولوگيالىق اقپارات بەرىلەدى.
مەملەكەتتىك نەمەسە اككرەديتتەلگەن وقۋ ورنىنىڭ نەمەسە عىلىمي ۇيىمنىڭ سۇراۋ سالۋى نەگىزىندە ۋاكىلەتتى ورگان گەولوگيالىق اقپاراتتى وقۋ نەمەسە عىلىمي ماقساتتاردا پايدالانۋعا بەرۋ تۋرالى نە ونى بەرۋدەن دالەلدى باس تارتۋ تۋرالى شەشىم قابىلدايدى. سۇراۋ سالۋ سۇراۋ سالىناتىن گەولوگيالىق اقپاراتتىڭ ماقساتى مەن كولەمىن, وقۋ باعدارلاماسى تۋرالى جالپى مالىمەتتەردى, عىلىمي زەرتتەۋلەردىڭ سيپاتىن قامتۋى ءتيىس.
مىنا جاعدايلاردا وقۋ نەمەسە عىلىمي ماقساتتار ءۇشىن گەولوگيالىق اقپاراتتى بەرۋدەن باس تارتىلۋى مۇمكىن:
سۇراۋ سالىناتىن گەولوگيالىق اقپاراتتىڭ كولەمى مەن مازمۇنى وقۋ باعدارلاماسىنىڭ مازمۇنىنا (ەگەر گەولوگيالىق اقپاراتقا وقۋ ۇيىمى سۇراۋ سالعان جاعدايدا) نەمەسە جۇرگىزىلەتىن عىلىمي زەرتتەۋلەردىڭ سيپاتىنا (ەگەر گەولوگيالىق اقپاراتقا عىلىمي ۇيىم سۇراۋ سالعان جاعدايدا) سايكەس كەلمەگەندە;
سۇراۋ سالىناتىن گەولوگيالىق اقپارات كونكۋرسقا قويىلاتىن جەر قويناۋى ۋچاسكەلەرىنىڭ تىزبەسىنە ەنگىزىلگەن جەر قويناۋى ۋچاسكەسى ءجونىندەگى گەولوگيالىق اقپارات پاكەتىنىڭ قۇرامىنا ەنگەندە. بۇل رەتتە گەولوگيالىق اقپارات تەك اتالعان جەر قويناۋى ۋچاسكەسى بويىنشا كەلىسىمشارت جاسالعاننان كەيىن نە ونى كونكۋرسقا قويىلاتىن جەر قويناۋى ۋچاسكەلەرىنىڭ تىزبەسىنەن الىپ تاستاعان جاعدايدا بەرىلەدى;
سۇراۋ سالىناتىن گەولوگيالىق اقپارات مەملەكەتتىك قۇپيالاردى قۇرايتىن مالىمەتتەردى قۇراعاندا.
7. گەولوگيالىق اقپاراتتى كوممەرتسيالىق ماقساتتاردا مىنالار پايدالانادى:
جەر قويناۋىن پايدالانۋ قۇقىعىن الۋعا ارنالعان كونكۋرستقا قاتىسۋشى – جۇمىس باعدارلاماسى مەن بارلاۋ جانە (نەمەسە) ءوندىرۋدى جۇزەگە اسىرۋ بويىنشا تەحنيكالىق-ەكونوميكالىق كورسەتكىشتەردى ازىرلەۋگە جەتكىلىكتى گەولوگيالىق, تاۋ-كەن-تەحنيكالىق, تەحنولوگيالىق جانە وزگە اقپارات كولەمىن قامتيتىن كونكۋرستىق پاكەت تۇرىندە;
كەلىسىمشارتتىق مىندەتتەمەلەردى ورىنداۋ ماقساتىندا جەر قويناۋىن پايدالانۋشى;
ۋاكىلەتتى ورگانمەن جاسالعان شارت نەگىزىندە مەملەكەتتىك بيۋدجەتتىك باعدارلاما بويىنشا جەر قويناۋىن گەولوگيالىق زەرتتەۋگە بايلانىستى جۇمىستاردى جۇرگىزەتىن تۇلعا;
مالىمدەلگەن ماقساتتار ءۇشىن قاجەتتى كولەمدە جەراستى قۇرىلىستارىن سالۋعا جانە (نەمەسە) پايدالانۋعا جەر قويناۋىن پايدالانۋ قۇقىعىن الۋعا ءوتىنىش بەرگەن تۇلعا.
8. جەر قويناۋىن پايدالانۋدان بوس پايدالى قازبالاردىڭ كەن ورىندارىمەن تانىسۋ ءۇشىن گەولوگيالىق اقپارات ۋاكىلەتتى ورگاننىڭ شەشىمى بويىنشا مۇددەلى تۇلعانىڭ سۇراۋ سالۋى نەگىزىندە قازاقستان رەسپۋبليكاسىنىڭ جەر قويناۋى جانە جەر قويناۋىن پايدالانۋ تۋرالى جانە مەملەكەتتىك قۇپيالاردى قورعاۋ تۋرالى زاڭناماسىنىڭ تالاپتارى ساقتالعان جاعدايدا بەرىلەدى.
9. گەولوگيالىق اقپارات تۇراقتى نەمەسە ۋاقىتشا پايدالانۋعا بەرىلەدى. گەولوگيالىق اقپارات ۋاقىتشا پايدالانۋعا ۋاكىلەتتى ورگانمەن جاسالعان شارت بويىنشا جەر قويناۋىن مەملەكەتتىك گەولوگيالىق زەرتتەۋ جونىندەگى جۇمىستاردى ورىندايتىن تۇلعالارعا بەرىلەدى. بارلىق وزگە جاعدايلاردا گەولوگيالىق اقپارات تۇراقتى پايدالانۋعا بەرىلەدى.
10. گەولوگيالىق اقپارات اقىلى (تولەم ءوندىرۋ) نەمەسە وتەۋسىز (تولەم وندىرمەي) نەگىزدە بەرىلەدى. تولەم وندىرمەي (وتەۋسىز) گەولوگيالىق اقپارات:
مەملەكەتتىك بيۋدجەت قاراجاتى ەسەبىنەن جەر قويناۋىن گەولوگيالىق زەردەلەۋگە بايلانىستى جۇمىستاردى جۇرگىزەتىن تۇلعالارعا;
عىلىمي ماقساتتار ءۇشىن, عىلىمي زەرتتەۋلەر مەملەكەتتىك بيۋدجەتتەن قارجىلاندىرىلعان جاعدايدا;
وقۋ ماقساتتارىندا – مەملەكەتتىك, سونداي-اق اككرەديتتەلگەن جەكە وقۋ ورىندارىنا;
مەملەكەتتىك ورگاندارعا بەرىلەدى.
وسى تارماقتا كوزدەلگەن جاعدايلاردى قوسپاعاندا, گەولوگيالىق اقپارات ونىڭ قۇنى قازاقستان رەسپۋبليكاسىنىڭ بيۋدجەتىنە تولەنگەن جاعدايدا اقىلى نەگىزدە پايدالانۋعا بەرىلەدى. گەولوگيالىق اقپاراتتى ۇسىنۋ شارتتارىنا قاراماستان, ودان كوشىرمە جاساۋ شىعىندارىن اقپارات الۋشى جەكە ءوندىرىپ الىنادى.
11. كونكۋرس تۋرالى حابارلاندىرۋعا دەيىن ۋاكىلەتتى ورگان كونكۋرسقا قويىلاتىن جەر قويناۋىنىڭ ۋچاسكەلەرى جونىندە گەولوگيالىق اقپارات پاكەتتەرىن دايىندايدى جانە ونىڭ قۇنىن انىقتايدى. پاكەت ءوتىنىش بەرۋشىنىڭ كونكۋرسقا قاتىسۋ تۋرالى شەشىم قابىلداۋعا قاجەتتى گەولوگيالىق, تاۋ-كەن-تەحنيكالىق, تەحنولوگيالىق جانە وزگە دە اقپاراتتاردىڭ كولەمىن قامتۋى ءتيىس.
كونكۋرسقا قاتىسۋعا ءوتىنىش قابىلدانعاننان كەيىن ۋاكىلەتتى ورگان ءوتىنىش بەرۋشىنىڭ جۇگىنۋىنەن كەيىن ءبىر ايدىڭ ىشىندە ءوتىنىش بەرۋشىگە اقىعا قويىلاتىن جەر قويناۋى ۋچاسكەسى جونىندە گەولوگيالىق اقپارات پاكەتى ۇسىنادى.
تىكەلەي كەلىسسوزدەرگە قاتىسۋعا ءوتىنىش قابىلدانعاننان كەيىن ۋاكىلەتتى ورگان ءوتىنىش بەرۋشىنىڭ جۇگىنۋىنەن كەيىن ءبىر ايدىڭ ىشىندە اقىعا قويىلاتىن جەر قويناۋى ۋچاسكەسى جونىندە گەولوگيالىق اقپارات پاكەتىن ۇسىنادى.
گەولوگيالىق اقپارات پاكەتىنىڭ قۇنى تاريحي شىعىنداردىڭ مولشەرىن ەسكەرە وتىرىپ انىقتالادى.
گەولوگيالىق اقپارات پاكەتىنىڭ قۇنى قايتارۋعا جاتپايدى.
ءوتىنىش بەرۋشىنىڭ الىنعان گەولوگيالىق اقپاراتتى كەز كەلگەن نىساندا اشۋعا نەمەسە ءۇشىنشى تۇلعاعا بەرۋگە قۇقىعى جوق.
12. مەملەكەت مەنشىگىندە بولاتىن گەولوگيالىق اقپاراتتىڭ قۇنى تاريحي شىعىندار سوماسىنىڭ ءبىر بولىگى رەتىندە انىقتالادى.
13. گەولوگيالىق اقپارات ۋاكىلەتتى ورگان مەن زاڭدى نەمەسە جەكە تۇلعا اراسىندا جاسالعان كەلىسىم (بۇدان ءارى – كەلىسىم) نەگىزىندە بەرىلەدى. كەلىسىم زاڭدى جانە جەكە تۇلعادان گەولوگيالىق اقپاراتتى الۋعا ءوتىنىش تۇسكەن ساتتەن باستاپ ءبىر ايدىڭ ىشىندە جاسالادى.
14. قاعيدانىڭ 15-تارماعىندا باياندالعان جاعدايدان باسقا, گەولوگيالىق اقپاراتتى پايدالانۋعا العان زاڭدى نەمەسە جەكە تۇلعا ونىڭ قۇپيالىلىعىن ساقتايدى: تيراجدامايدى, ءۇشىنشى تۇلعاعا بەرمەيدى, تەك كەلىسىم ءمانى بويىنشا جۇمىستاردى ورىنداۋ ءۇشىن عانا پايدالانادى. زاڭدى نەمەسە جەكە تۇلعا قۇپيالىلىق تالاپتارىن ورىنداماعان جاعدايدا, گەولوگيالىق اقپاراتتى پايدالانۋ قۇقىعىنان ايىرىلادى جانە ۋاكىلەتتى ورگانعا بارلىق الىنعان ماتەريالداردى قايتارادى.
قۇپيالىلىق تالاپتارى كەلىسىمدە رەتتەلەدى.
15. ۋاكىلەتتتى ورگاننان اقىلى نەگىزدە گەولوگيالىق اقپارات العان زاڭدى نەمەسە جەكە تۇلعا ونىڭ كەلىسىمشارتتىق اۋماقتا جەر قويناۋىن پايدالانۋشىنىڭ رەسمي تۇردە رەسىمدەلگەن تاپسىرىسى بويىنشا جۇمىستاردى ورىندايتىن ءوزىنىڭ مەردىگەرىنە (بۇدان – ءارى مەردىگەر) وسى گەولوگيالىق اقپاراتتىڭ كوشىرمەسىن ۋاقىتشا پايدالانۋعا بەرە الادى. مەردىگەرگە گەولوگيالىق اقپاراتتى بەرۋ جەر قويناۋىن پايدالانۋشى, ونىڭ مەردىگەرى مەن ۋاكىلەتتى ورگان اراسىنداعى ۇشجاقتى شارتپەن رەسىمدەلەدى. مەردىگەردىڭ گەولوگيالىق اقپاراتتى پايدالانۋ مەرزىمى كەلىسىمشارتتىق اۋماقتا مەردىگەرلىك جۇمىستاردى ورىنداۋ مەرزىمىمەن انىقتالادى.
جەر قويناۋىن پايدالانۋشىنىڭ تاپسىرىسى بويىنشا ونىڭ كەلىسىمشارتتىق اۋماعىندا جۇمىستارىن ورىندايتىن زاڭدىق جانە جەكە تۇلعاداعى مەردىگەر قاعيدانىڭ 14-تارماعىنا سايكەس قۇپيالىلىق تالاپتارىن ساقتايدى.
16. گەولوگيالىق اقپارات كوشىرمەلەر تۇرىندە ۇسىنىلادى. گەولوگيالىق اقپاراتتى ۇسىنۋ تالاپتارىنا بايلانىسسىز وعان كوشىرمە جاساۋ جونىندەگى شىعىستاردى گەولوگيالىق اقپاراتتى الۋشى جەكە وتەيدى.
3. گەولوگيالىق اقپاراتتى قازاقستان رەسپۋبليكاسىنىڭ اۋماعىنان تىسقارى جەرلەرگە اكەتۋ ءتارتىبى
17. قازاقستان رەسپۋبليكاسىنان تىسقارى جەرگە اكەتۋگە زاڭدى نەمەسە جەكە تۇلعالارعا (بۇدان ءارى – ءوتىنىش بەرۋشى) ۋاكىلەتتى ورگان بەرگەن نەمەسە جەر قويناۋىن پايدالانۋ پروتسەسىندە الىنعان گەولوگيالىق اقپارات جاتادى.
قازاقستان رەسپۋبليكاسىنان تىسقارى جەرگە اكەتۋگە قاعيدانىڭ 4-تارماعىندا انىقتالعان گەولوگيالىق اقپارات تۇرلەرى جاتادى.
18. گەولوگيالىق اقپارات قازاقستان رەسپۋبليكاسىنىڭ اۋماعىنان كەدەن وداعىنىڭ اۋماعىندا دا, سونداي-اق كەدەن وداعىنىڭ اۋماعىنان (بۇدان ءارى – كەدەن وداعىنىڭ اۋماعى) تىسقارى جەرلەرگە اكەتىلۋى مۇمكىن.
19. كەدەن وداعىنىڭ اۋماعىنان تىسقارى جەرلەرگە گەولوگيالىق اقپاراتتى اكەتۋ كەدەن وداعىنىڭ ۋاكىلەتتى مەملەكەتتىك ورگانى بەرگەن (بۇدان ءارى – مەملەكەتتىك ورگان), ۋاكىلەتتى ورگانمەن كەلىسىلگەن ليتسەنزيالاردىڭ نەگىزىندە, ال كەدەن وداعىنىڭ اۋماعىندا گەولوگيالىق اقپاراتتى اكەتۋ ۋاكىلەتتى ورگاننىڭ رۇقساتى نەگىزىندە جۇزەگە اسىرىلادى.
20. گەولوگيالىق اقپاراتتى تابيعي تاسىمالداعىشتاردا كەدەن وداعىنىڭ اۋماعىنان تىسقارى جەرگە اكەتۋ ءۇشىن ءوتىنىش بەرۋشى مەملەكەتتىك ورگانعا جانە ۋاكىلەتتى ورگاننىڭ ءتيىستى اۋماقتىق ورگانىنا (بۇدان ءارى – اۋماقتىق ورگان) ءوتىنىشتى جانە وعان قوسا ءوتىنىش بەرۋشىنىڭ قولى قويىلعان گەولوگيالىق اقپاراتتى ىرىكتەۋ اكتىسىن, ءوتىنىش بەرۋشى جانە اۋماقتىق ورگان قول قويعان گەولوگيالىق اقپاراتتى قاراۋ اكتىسىن, اكەتىلەتىن گەولوگيالىق اقپاراتتىڭ ءتىزىمىن, كەدەندىك زەرتحانانىڭ ساراپتامالىق قورىتىندىنى بەرەدى. اۋماقتىق ورگان ءوتىنىمدى قاراپ, كۇنتىزبەلىك ون كۇن ىشىندە ءوزىنىڭ قورىتىندىسىن ۋاكىلەتتى ورگانعا جىبەرەدى.
مەملەكەتتىك ورگان ءوتىنىش بەرۋشىنىڭ ءوتىنىشىن قاراپ, ۋاكىلەتتى ورگانعا كەلىسۋگە جولدايدى. ۋاكىلەتتى ورگان وڭ شەشىم قابىلداعان جاعدايدا, جەتى كۇنتىزبەلىك كۇن ىشىندە كەلىسىلگەن ءوتىنىمدى مەملەكەتتىك ورگانعا كەدەندىك وداقتىڭ اۋماعى ارقىلى گەولوگيالىق اقپاراتتى اكەتۋگە ارنالعان ليتسەنزيا بەرۋگە جولدايدى.
21. گەولوگيالىق اقپاراتتى جاساندى تاسىمالداعىشتاردا كەدەن وداعىنىڭ اۋماعىنان تىسقارى جەرگە اكەتۋ ءۇشىن ءوتىنىش بەرۋشى مەملەكەتتىك ورگانعا جانە ءتيىستى اۋماقتىق ورگانعا ءوتىنىشتى جانە وعان قوسا ءوتىنىش بەرۋشى جانە اۋماقتىق ورگان قول قويعان گەولوگيالىق اقپاراتتى قاراۋ اكتىسىن, اكەتىلەتىن گەولوگيالىق اقپاراتتىڭ ءتىزىمىن, اۋماقتىق ورگاننىڭ مەملەكەتتىك قۇپيالاردى قورعاۋ جونىندەگى بولىمشەسى بەرەتىن قۇپيا گەولوگيالىق اقپاراتتىڭ جوقتىعى تۋرالى انىقتامانى بەرەدى. اۋماقتىق ورگان ءوتىنىمدى قاراپ, كۇنتىزبەلىك ون كۇن ىشىندە ءوزىنىڭ قورىتىندىسىن ۋاكىلەتتى ورگانعا جىبەرەدى.
مەملەكەتتىك ورگان ءوتىنىش بەرۋشىنىڭ ءوتىنىشىن قاراپ, ۋاكىلەتتى ورگانعا كەلىسۋگە جولدايدى. ۋاكىلەتتى ورگان وڭ شەشىم قابىلداعان جاعدايدا, جەتى كۇنتىزبەلىك كۇن ىشىندە كەلىسىلگەن ءوتىنىشتى مەملەكەتتىك ورگانعا كەدەن وداعىنىڭ اۋماعى ارقىلى گەولوگيالىق اقپاراتتى اكەتۋگە ارنالعان ليتسەنزيا بەرۋگە جولدايدى.
22. گەولوگيالىق اقپاراتتى تابيعي تاسىمالداعىشتاردا كەدەن وداعىنىڭ اۋماعىندا جەرلەرگە اكەتۋ ءۇشىن ءوتىنىش بەرۋشى ءتيىستى اۋماقتىق ورگانعا ءوتىنىشتى جانە وعان قوسا ءوتىنىش بەرۋشىنىڭ قولى قويىلعان گەولوگيالىق اقپاراتتى ىرىكتەۋ اكتىسىن, ءوتىنىش بەرۋشى جانە اۋماقتىق ورگان قول قويعان گەولوگيالىق اقپاراتتى قاراۋ اكتىسىن, اكەتىلەتىن گەولوگيالىق اقپاراتتىڭ ءتىزىمىن, كەدەندىك زەرتحانانىڭ ساراپتامالىق قورىتىندىنى بەرەدى. اۋماقتىق ورگان كۇنتىزبەلىك ون كۇن ىشىندە ءوتىنىشتى قاراپ, ءوزىنىڭ قورىتىندىسىن ۋاكىلەتتى ورگانعا جىبەرەدى, ول وڭ شەشىم قابىلدانعان جاعدايدا, كۇنتىزبەلىك ون كۇن ىشىندە كەدەن وداعىنىڭ اۋماعى شەگىندە قازاقستان رەسپۋبليكاسىنىڭ مەملەكەتتىك شەكاراسى ارقىلى گەولوگيالىق اقپاراتتى اكەتۋگە ارنالعان رۇقساتتى بەرەدى.
23. گەولوگيالىق اقپاراتتى جاساندى تاسىمالداعىشتاردا كەدەن وداعىنىڭ اۋماعى شەگىندەگى جەرلەرگە اكەتۋ ءۇشىن ءوتىنىش بەرۋشى ءتيىستى اۋماقتىق ورگانعا ءوتىنىشتى جانە وعان ءوتىنىش بەرۋشى جانە اۋماقتىق ورگان قول قويعان گەولوگيالىق اقپاراتتاردى قاراۋ اكتىسىن, اكەتىلەتىن گەولوگيالىق اقپاراتتىڭ ءتىزىمىن, اۋماقتىق ورگاننىڭ مەملەكەتتىك قۇپيالاردى قورعاۋ جونىندەگى بولىمشەسى بەرگەن قۇپيا گەولوگيالىق اقپاراتتىڭ جوقتىعى تۋرالى انىقتامانى بەرەدى. اۋماقتىق ورگان كۇنتىزبەلىك ون كۇن ىشىندە ءوتىنىشتى قاراپ, ءوزىنىڭ قورىتىندىنى ۋاكىلەتتى ورگانعا جىبەرەدى, ول وڭ شەشىم قابىلدانعان جاعدايدا, كۇنتىزبەلىك ون كۇن ىشىندە كەدەندىك وداقتىڭ اۋماعىنىڭ شەگىندە قازاقستان رەسپۋبليكاسىنىڭ مەملەكەتتىك شەكاراسى ارقىلى گەولوگيالىق اقپاراتتى اكەتۋگە ارنالعان رۇقساتتى بەرەدى.
24. قازاقستان رەسپۋبليكاسىنان تىسقارى جەرگە اكەتىلەتىن گەولوگيالىق اقپاراتتارعا رۇقسات بەرۋگە قۇجاتتاردى رەسىمدەۋ يندۋستريالىق ساياساتتى رەتتەۋ سالاسىنداعى ۋاكىلەتتى ورگان بەكىتەتىن نۇسقاۋلىققا سايكەس جۇزەگە اسىرىلادى.