14 ماۋسىمدا «قاراشىعاناق پەتروليۋم وپەرەيتينگ ب.ۆ» (قپو) كومپانياسى قاراشىعاناق وڭدەۋ كەشەنىندە (قوك) سۇيىق كومىرسۋتەكتەرىن تۇراقتاندىرۋدىڭ قوسىمشا تەحنولوگيالىق جەلىسىن پايدالانۋعا ويداعىداي ىسكە قوسقاندىعى تۋرالى حابارلادى.
قوك-تە جاڭا مۇناي وڭدەۋ قۋاتتىلىعىن ىسكە قوسۋ قازىرگى قولدانىستاعى ءۇش تەحنولوگيالىق جەلىنى تۇراقتاندىرۋعا قوسىمشا بولادى, جىلىنا كوندەنسات ءوندىرىسىن 2,57 ملن. تونناعا ارتتىرۋعا مۇمكىندىك بەرەدى.
قوك قاراشىعاناق كەن ورنىنداعى نەگىزگى مۇناي وڭدەۋ زاۋىتى بولىپ تابىلادى, بۇل جەردە وڭدەلگەن مۇناي اتىراۋ ارقىلى حالىقارالىق رىنوكتارعا ەكسپورتتالادى. زاۋىتتا سونداي-اق كەن ورنىنىڭ ەلەكتر ستانساسى ءۇشىن وتىن گازىنىڭ جانە جەرگىلىكتى تۇتىنۋ ءۇشىن گاز ءوندىرىسى جۇزەگە اسىرىلادى.
قپو-نىڭ D قوسىمشا تەحنولوگيالىق جەلىسىنىڭ قۇرىلىسىنا جۇمساعان كۇردەلى قارجىسىنىڭ جالپى كولەمى ءبىر ميلليارد اقش دوللارىنان اسىپ جىعىلدى. نەگىزگى جۇمىستاردى 14 قازاقستاندىق كومپانيانىڭ مەردىگەرلەرى اتقاردى, ولار قازاقستاندا 650 ميلليون اقش دوللارىن يگەردى. قۇرىلىس كەزىندە 2 900-دەن استام قازاقستاندىق مامان جۇمىسقا تارتىلدى.
جوبانىڭ اياقتالۋىنا ءتۇسىنىكتەمە بەرە وتىرىپ, قپو-نىڭ باس ديرەكتورى دجۋزەپپە پازي بىلاي دەدى: «ءبىز پايدالانۋعا تاعى ءبىر وندىرىستىك قۋاتتىلىقتى ىسكە قوستىق, وسىلايشا قاراشىعاناق كەن ورنىن يگەرۋدە كۇردەلى ينۆەستيتسيالار بويىنشا قپو ءمىندەتتەمەلەرىنىڭ ورىندالۋىن راستايتىنىن تاعى ءبىر دالەلدەدىك».
تەمىر قۇسايىن,
باتىس قازاقستان وبلىسى,
اقساي قالاسى.